ດ້ວຍບັດສະໜັບສະໜູນ 243 ບັດ ແລະ ບັດຄ້ານ 140 ບັດ, ວັນທີ 9 ມັງກອນ, ສະພາຕ່ຳອາເມລິກາ ໄດ້ຮັບຮອງເອົາຮ່າງກົດໝາຍວ່າດ້ວຍການລົງໂທດສານອາສາສາກົນ ເພື່ອແນໃສ່ໂຕ້ຕອບເລື່ອງ ສານນີ້ ປະກາດໃຊ້ຄຳສັ່ງກັກຕົວ ນາຍົກລັດຖະມົນຕີ ອິດສະລາແອັນທ່ານ Benjamin Netanyahu ແລະ ອະດີດລັດຖະມົນຕີກະຊວງປ້ອງກັນປະເທດ ອິດສະລາແອັນ ທ່ານ Yoav Gallant ຍ້ອນດຳເນີນບັ້ນການທະຫານຢູ່ ເຂດກາຊາ.

ຮ່າງກົດໝາຍດ້ວຍຊື່ທີ່ວ່າ “ປະເຊີນໜ້າກັບສານທີ່ປອດກົດໝາຍ” ນີ້ຈະລົງໂທດສ່ວນບຸກຄົນເຊິ່ງແມ່ນຊາວຕ່າງປະເທດທີ່ປະຕິບັດການສືບສວນ, ກັກຕົວ ຫຼື ດຳເນີນຄະດີສຳລັບພົນລະເມືອງ ອາເມລິກາ ຫຼື ພົນລະເມືອງຂອງປະເທດພັນທະມິດຂອງ ອາເມລິກາ ທີ່ບໍ່ແມ່ນສະມາຊິກຂອງສານອາຍາສາກົນ, ໃນນັ້ນມີ ອິດສະລາແອັນ. ນີ້ແມ່ນໜຶ່ງໃນບັນດາຮ່າງກົດໝາຍສະບັບທຳອິດໂດຍສະພາຕ່ຳ ຮັບຮອງເອົາ ນັບແຕ່ເວລາສະພາແຫ່ງຊາດ ອາເມລິກາຊຸດໃໝ່ເລີ່ມຈັດກອງປະຊຸມໃນອາທິດກ່ອນ.

ແຫຼ່ງຄັດຈາກ: vovworld.vn