ການນຳຫຼາຍປະເທດອວຍພອນທ່ານ Donald Trump
ການນຳຫຼາຍປະເທດໄດ້ອອກສຽງອວຍພອນທ່ານ Donald Trump ທີ່ຮັບໄຊຊະນະໃນການເລືອກຕັ້ງປະທານາທິບໍດີ ອາເມລິກາ, ຖືນີ້ແມ່ນໄຊຊະນະປະຫວັດສາດສຳລັບທ່ານ Donald Trump ເອງ ແລະຂອງອາເມລິກາ.
    |
 |
|
ທ່ານ Donald Trump. ພາບ: Getty Images |
ໃນສານທີ່ເອົາລົງໃນສື່ສັງຄົມ X, ທ່ານປະທານາທິບໍດີ ຝລັ່ງ Emmanuel Macron ໄດ້ສົ່ງຄຳອວຍພອນທ່ານ Donald Trump, ທ່ານໃຫ້ຮູ້ວ່າ ພ້ອມແລ້ວຈະຮ່ວມມືກັບທ່ານ Donald Trump, ຄືກັນກັບໄລຍະທ່ານ Donald Trump ກຳອຳນາດກ່ອນນີ້. ທ່ານ Emmanuel Macron ແມ່ນປະມຸກລັດຝ່າຍຕາເວັນຕົກຜູ້ທຳອິດທີ່ສົ່ງຄຳອວຍພອນເຖິງທ່ານ Donald Trump.
ຈາກ ອັງກິດ, ເຊິ່ງເປັນພັນທະມິດໃກ້ຊິດທີ່ສຸດຂອງ ອາເມລິກາ ຢູ່ເອີລົບ, ທ່ານນາຍົກລັດຖະມົນຕີ ອັງກິດ Keir Starmer ກໍອວຍພອນໄຊຊະນະຄັ້ງ “ປະຫວັດສາດ” ຂອງທ່ານ Donald Trump, ທ່ານຖະແຫຼງວ່າຢາກພ້ອມກັບທ່ານ Donald Trump ຮັດແໜ້ນການພົວພັນພິເສດ ອາເມລິກາ-ອັງກິດ ກ່ຽວກັບຄວາມໝັ້ນຄົງ, ເສດຖະກິດ, ວິທະຍາສາດ, ເຕັກໂນໂລຊີ.
ສ່ວນທ່ານນາຍົກລັດຖະມົນຕີ ອິດສະຣາແອັນ Benjamin Netanyahu ຕີລາຄາວ່າ ເລື່ອງທ່ານ Donald Trump ກັບເຂົ້າມາທຳນຽບຂາວແມ່ນຂີດໝາຍຂອງການເລີ່ມຕົ້ນໃໝ່ໃຫ້ແກ່ປະເທດອາເມລິກາ ແລະແມ່ນການຢັ້ງຢືນຢ່າງແຮງຂອງການພົວພັນພັນທະມິດທີ່ເປັນມູນເຊື້ອ ອາເມລິກາ-ອິດສະຣາແອັນ.
ແຫຼ່ງຄັດຈາກ: vovworld.vn