EU ກຳນົດຈຸດເວລາດຳເນີນການເຈລະຈາກ່ຽວກັບຄວາມມານະພະຍາຍາມເຂົ້າເປັນສະມາຊິກຂອງ ຢູແກຼນ ແລະໂມໂດວາ
ວັນທີ 21 ມິຖຸນາ, ບັນດາປະເທດສະມາຊິກສະຫະພາບ ເອີລົບ (EU) ໄດ້ເຫັນດີຢ່າງເປັນທາງການຕໍ່ເລື່ອງເລີ່ມດຳເນີນການເຈລະຈາກ່ຽວກັບຖານະເປັນສະມາຊິກຂອງ ຢູແກຼນ ແລະ ໂມໂດວາ ໃນອາທິດໜ້າ ຊື່ງແມ່ນເຫດການມີລັກສະນະບາດລ້ຽວ ສຳລັບສອງປະເທດໃນໄລຍະຍາວເພື່ອບັນລຸຄາດໝາຍເຂົ້າເປັນສະມາຊິກຂອງກຸ່ມພັນທະມິດນີ້.
ຕາມແຜນການ, ທຳອິດແມ່ນບັນດາລັດຖະມົນຕີຂອງ EU ຈະເລີ່ມປະຕິບັດການເຈລະຈາກັບ ຢູແກຼນ, ຖັດຈາກນັ້ນ ແມ່ນກັບ ໂມໂດວາ ຢູ່ ລຸກຊຳບວກ ໃນຕອນບ່າຍວັນທີ 25 ມິຖຸນາ. ຕົ້ນເດືອນມິຖຸນາ, ສະພາເອີລົບ (EC) ໄດ້ຖະແຫລງວ່າ ຢູແກຼນ ແລະ ໂມໂດວາ ໄດ້ຕອບສະໜອງທັງໝົດມາດຖານທີ່ຈຳເປັນເພື່ອເລີ່ມຕົ້ນການເຈລະຈາ.
ໃນວັນດຽວກັນ, ທ່ານ Giancarlo Giorgetti, ລັດຖະມົນຕີກະຊວງເສດຖະກິດອີຕາລີ ໃຫ້ຮູ້ວ່າບັນດາປະເທດໃນ EU ອາດຈະສະໜອງ 60% ຂອງບ້ວງກູ້ຢຶມ 50 ຕື້ USD ຊື່ງກຸ່ມບັນດາປະເທດອຸດສາຫະກຳພັດທະນາ (G7) ທີ່ໄດ້ໃຫ້ຄຳໝັ້ນສັນຍາສະໜອງໃຫ້ແກ່ ຢູແກຼນ ກ່ອນນັ້ນ.
ແຫຼ່ງຄັດຈາກ: vovworld.vn