G7 ເລີ່ມຕົ້ນຂໍ້ລິເລີ່ມຄວາມໝັ້ນຄົງດ້ານສະບຽງອາຫານທົ່ວໂລກ
ໃນກອງປະຊຸມສຸດຍອດກຸ່ມບັນດາປະເທດອຸດສາຫະກຳພັດທະນາ (G7) ໄດ້ດຳເນີນຢູ່ Borgo Egnazia - ພາກໃຕ້ ອີຕາລີ, ບັນດາການນຳຂອງກຸ່ມໄດ້ໃຫ້ຄຳໝັ້ນສັນຍາເພີ່ມທະວີຄວາມມານະພະຍາຍາມປ້ອງກັນ, ຕ້ານການຂາດສານອາຫານໃນທົ່ວໂລກ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/06/15/upload_2122/15062024_th_51.jpg?dpi=150&quality=100&w=500) |
ບັນດາການນຳ G7 ໂຮມປະຊຸມ. ພາບ: ສໍານັກຂ່າວສານຫວຽດນາມ |
ຄຳໝັ້ນສັນຍາດັ່ງກ່າວໄດ້ຍົກອອກມາໃນສະພາບການປະທະກັນລະຫວ່າງ ລັດເຊຍ-ຢູແກຼນ ພວມເຮັດໃຫ້ບັນດາບັນຫາກ່ຽວກັບສະບຽງອາຫານໃນທົ່ວໂລກຮ້າຍແຮງຕື່ມອີກ.
ຕາມຮ່າງຖະແຫຼງການ ທີ່ໄດ້ປະກາດໃນວັນທີ 14 ມິຖຸນາ, G7 ຈະຊຸກຍູ້ຂໍ້ລິເລີ່ມລະບົບອາຫານ G7 Apulia (AFSI) ເພື່ອແນໃສ່ຜ່ານຜ່າບັນດາຮົ້ວກີດຂວາງ “ທີ່ມີລັກສະນະໂຄງສ້າງ” ສຳລັບຄວາມໝັ້ນຄົງດ້ານສະບຽງອາຫານ ແລະໂພສະນາການ. ຂໍ້ລິເລີ່ມນີ້ສຸມໃສ່ບັນດາປະເທດທີ່ມີລາຍຮັບຕ່ຳ ແລະໜູນຊ່ວຍບັນດາໂຄງການຢູ່ອາຟະລິກາ.
ບັນດາປະເທດຝ່າຍຕາເວັນຕົກ ກໍໄດ້ໃຫ້ຄຳໝັ້ນສັນຍາຕໍ່ເລື່ອງຫຼຸດອັດຕາດອກເບ້ຍເງິນກູ້ໃຫ້ບັນດາປະເທດທຸກຍາກກວ່າຜ່ານບັນດາກົນໄກຄື ຫຼຸດຜ່ອນໜີ້ສິນຂອງບັນປະເທດພວມພັດທະນາເພື່ອແລກເອົາບັນດາໂຄງການ “ສີຂຽວ” ເພື່ອປົກປັກຮັກສາບັນດາລະບົບນິເວດສຳຄັນ.
ແຫຼ່ງຄັດຈາກ: vovworld.vn