ນອກຈາກການເຕື້ອງເຖິງບັນດາການເຄື່ອນໄຫວຂອງທ່ານນາຍົກລັດຖະມົນຕີ Anthony Albanese ຢູ່ຫວຽດນາມ, ບັນດາເນື້ອໃນທີ່ທ່ານໄດ້ແລກປ່ຽນທີ່ການພົບປະຄັ້ງຕ່າງໆ, ສື່ມວນຊົນອົດສະຕາລີ ກໍ່ຄັດສະເໜີບັນດາຂໍ້ສັງເກດອັນຕັ້ງໜ້າຂອງທ່ານນາຍົກລັດຖະມົນຕີ Anthony Albanese ກ່ຽວກັບການພົວພັນກັບຫວຽດນາມ.

leftcenterrightdel
ບົດຂຽນກ່ຽວກັບການຢ້ຽມຢາມຫວຽດນາມ ຂອງທ່ານນາຍົກລັດຖະມົນຕີ Anthony Albanese. ພາບ: vov.vn

ໜັງສືພິມເອເລັກໂຕນິກ ABC News ໃຫ້ຮູ້ວ່າ ໃນການຢ້ຽມຢາມຫວຽດນາມ ຂອງທ່ານນາຍົກລັດຖະມົນຕີ Anthony Albanese, ສອງປະເທດໄດ້ລົງນາມບັນດາຂໍ້ຕົກລົງໃນນັ້ນມີບ້ວງເງິນ 105 ລ້ານໂດລາອົດສະຕາລີ ໜູນຊ່ວຍວິວັດການກຳຈັດ ກາກບອນໃຫ້ແກ່ພື້ນຖານເສດຖະກິດຫວຽດນາມ ເພື່ອຊ່ວຍໃຫ້ຫວຽດນາມ ບັນລຸເປົ້າໝາຍຫລຸດອາຍພິດເຮືອນແກ້ວລົງລະດັບ 0 (Net Zero) ໃນປີ 2050; ການຮ່ວມມືກ່ຽວກັບການແບ່ງປັນຂໍ້ມູນຂ່າວສານ ແລະດຳເນີນກອງປະຊຸມສະໄໝສາມັນຂອງບັນດາລັດຖະມົນຕີການຄ້າ…

ໜັງສືພິມ Financial Review ໃຫ້ຮູ້ວ່າ: ນາຍົກລັດຖະມົນຕີອົດສະຕາລີ  ປາດຖະໜາຢາກໃຫ້ຫວຽດນາມ ກາຍເປັນຄູ່ຮ່ວມມືແຖວໜ້າຂອງປະເທດນີ້ ແລະຫວັງວ່າ “ສອງປະເທດອາດຈະຍົກລະດັບການພົວພັນຂຶ້ນເປັນຄູ່່ຮ່ວມມືຍຸດທະສາດຮອບດ້ານໃນໄວໆນີ້”.

ບໍ່ພຽງແຕ່ເຕື້ອງເຖິງການເຄື່ອນໄຫວທາງການເທົ່ານັ້ນ, ສື່ມວນຊົນອົດສະຕາລີ ກໍ່ສະແດງຄວາມປະທັບໃຈເມື່ອທ່ານນາຍົກລັດຖະມົນຕີ Anthony Albanese ໄດ້ຢ້ຽມຊົມ ແລະຊິມລົດຊາດຂອງເບຍສົດຮ່າໂນ້ຍ ແລະເຂົ້າຈີ່, ອາຫານບາງເຍື່ອງຂອງຊາວຫວຽດນາມ ທີ່ແຂກທ່ອງທ່ຽວສາກົນນິຍົມອີກດ້ວຍ.

ຂ່າວ: ວິທະຍຸກະຈາຍສຽງຫວຽດນາມ