ທ່ານ Recep Tayyip Erdogan ສາບານຕົວຮັບດຳລົງຕຳແໜ່ງປະທານາທິບໍດີ ຕວັກກີ ອາຍຸການທີ 3
ວັນທີ 3 ມິຖຸນາ, ທ່ານ Recep Tayyip Erdogan ໄດ້ສາບານຕົວຮັບດຳລົງຕຳແໜ່ງປະທານາທິບໍດີ ຕວັກກີ ອາຍຸການ 5 ປີ ຕໍ່ໄປ. ນີ້ແມ່ນອາຍຸການປະທານາທິບໍດີທີ 3 ຂອງທ່ານ.
ກ່າວຄຳເຫັນທີ່ພິທີຮັບດຳລົງຕຳແໜ່ງຢູ່ສະພາແຫ່ງຊາດ, ທ່ານ Recep Tayyip Erdogan ໃຫ້ຄຳໝັ້ນສັນຍາປ້ອງກັນຄວາມຄົງຕົວ ແລະເອກະລາດຂອງປະເທດ, ປະຕິບັດລັດຖະທຳມະນຸນ, ອຳນາດນິຕິບັນຍັດ, ປະຊາທິປະໄຕ, ຫຼັກການຕ່າງໆ ແລະການປະຕິຮູບຂອງຜູ້ກໍ່ຕັ້ງປະເທດ ແລະກໍເປັນປະທານາທິບໍດີຄົນທຳອິດຂອງ ຕວັກກີ ທ່ານ Mustafa Kemal Ataturk. ກໍໃນວັນດຽວກັນ, ທ່ານປະທານາທິບໍດີ ຕວັກກີ ໄດ້ແຕ່ງຕັ້ງລັດຖະບານໃໝ່.
ກໍໃນວັນທີ 3 ມິຖຸນາ, ທ່ານປະທານາທິບໍດີ Recep Tayyip Erdogan ໃຫ້ຄຳໝັ້ນສັນຍາສ້າງລັດຖະທຳມະນູນໃໝ່ບົນເນື້ອໃນຈິດໃຈ “ລັດຖະທຳມະນຸນອິດສະຫຼະພາບ, ພົນລະເຮືອນ ແລະ ຮອບດ້ານ” ເພື່ອແນໃສ່ປັບປຸງພື້ນຖານປະຊາທິປະໄຕ.
ແຫຼ່ງຄັດຈາກ: vovworld.vn