ອິນໂດເນເຊຍ: ຈຳນວນຜູ້ເສຍຊີວິດຍ້ອນເຫດດິນເຊາະເຈື່ອນ 46 ຄົນ
ຈຳນວນຄົນເສຍຊີວິດໃນເຫດດິນເຊາະເຈື່ອນຢູ່ເກາະ Seransan, ປະເທດ ອິນໂດເນເຊຍ, ແມ່ນ 46 ຄົນ ໃນຂະນະທີ່ກຳລັງກູ້ໄພກູ້ຊີບສືບຕໍ່ຊອກເຫັນຊາກສົບຜູ້ປະສົບເຄາະຮ້າຍຢູ່ໃຕ້ດິນໃຕ້ຕົມນັ້ນ. ປະຈຸບັນ, ຍັງມີ 9 ຄົນທີ່ຫາຍສາບສູນ. ກະຊວງກິດຈະກຳສາທາລະນະ ແລະເຮືອນຢູ່ ອິນໂດເນເຊຍ ໄດ້ຜັນຂະຫຍາຍບັນດາອຸປະກອນປະເພດໜັກ ພ້ອມກັບກຳລັງຕຳຫຼວດ ແລະກອງທັບ ເພື່ອໜູນຊ່ວຍການເຄື່ອນໄຫວຊອກຫາ ແລະກູ້ໄພກູ້ຊີບ.
ໄພພິບັດດິນເຊາະເຈື່ອນເກີດຂຶ້ນຢູ່ເກາະ Serasan ໃນວັນທີ 6 ມີນາ, ປະຈຸບັນ ໄດ້ເຮັດໃຫ້ກວ່າ 1.200 ຄົນຕ້ອງອົບພະຍົບໃນຂະນະທີ່ໝູ່ບ້ານ 3 ແຫ່ງຖືກຝັງຢູ່ໃຕ້ດິນ. ອຳນາດການປົກຄອງທ້ອງຖິ່ນໄດ້ປະກາດສະພາບສຸກເສີນ ແລະຍົກລະດັບການກ່າວເຕືອນອັນຕະລາຍຢູ່ໃນລະດັບສູງສຸດສຳລັບປະຊາຊົນທ້ອງຖິ່ນ ແລະເຂດໃກ້ຄຽງ. ໄປຄຽງຄູ່ກັນນັ້ນ, ລັດຖະບານ ອິນໂດເນເຊຍ ໄດ້ຜັນຂະຫຍາຍບ້ວງເງິນທີ່ມີມູນຄ່າ 56.000 ໂດລາສະຫະລັດ ເພື່ອໜູນຊ່ວຍບັນດາຜູ້ປະສົບເຄາະຮ້າຍ.
ແຫຼ່ງຄັດຈາກ: vovworld.vn