ທີ່ວາລະປຶກສາຫາລື, ບັນດາຜູ້ແທນເນັ້ນໜັກວ່າຄວນສ້າງບັນດານະໂຍບາຍຢ່າງຮອບດ້ານ, ມີປະສິດທິຜົນເພື່ອແນໃສ່ຮັບປະກັນຄວາມສະເໝີພາບລະຫວ່າງຍິງ-ຊາຍ ແລະຜົນປະໂຫຍດຂອງແມ່ຍິງ, ເຊິ່ງແມ່ນຜູ້ຕ້ອງຮັບພາລະວຽກບ້ານການເຮືອນຫຼາຍທີ່ສຸດ. ກ່າວຄໍາເຫັນທີ່ວາລະປຶກສາຫາລື, ທ່ານ ໂດ້ຮຸ່ງຫວຽດ ຜູ້ຊ່ວຍວຽກລັດຖະມົນຕີກະຊວງການຕ່າງປະເທດ, ຫົວໜ້າຄະນະຜູ້ແທນຫວຽດນາມ ເຂົ້າຮ່ວມກອງປະຊຸມສະພາສິດທິມະນຸດ ສປຊ ຊຸດທີ 50  ໄດ້ຍົກສູງບົດບາດສໍາຄັນຂອງແມ່ຍິງໃນວຽກງານເບິ່ງແຍງດູແລວຽກບ້ານການເຮືອນນີ້.

leftcenterrightdel
ທ່ານ ໂດ້ຮຸ່ງຫວຽດ ຜູ້ຊ່ວຍວຽກລັດຖະມົນຕີກະຊວງການຕ່າງປະເທດຫວຽດນາມ. ພາບ: ສໍານັກຂ່າວສານຫວຽດນາມ.

ທ່ານ ໂດ້ຮຸ່ງຫວຽດ ເນັ້ນໜັກວ່າຄວນເອົາໃຈໃສ່ຮັບປະກັນສິດ ແລະກະລະໂອກາດພັດທະນາຂອງແມ່ຍິງຜ່ານບັນດານະໂຍບາຍໜູນຊ່ວຍຈໍາເພາະ, ມີປະສິດທິຜົນ, ພ້ອມທັງແບ່ງປັນບົດຮຽນ ແລະຄວາມມານະພະຍາຍາມຂອງຫວຽດນາມ ໃນຂົງເຂດນີ້. ທ່ານ ໂດ້ຮຸ່ງຫວຽດ ຢັ້ງຢືນວ່າ ດ້ວຍຖານະເປັນຜູ້ສະໝັກເລືອກຕັ້ງໃຫ້ສະພາສິດທິມະນຸດ ສປຊ ອາຍຸການ 2023-2025, ຫວຽດນາມ ຈະສືບຕໍ່ບຸລິມະສຸດບັນດາຄໍາໝັ້ນສັນຍາຊຸກຍູ້ຄວາມສະເໝີພາບລະຫວ່າງຍິງ-ຊາຍ ແລະມອບສິດໃຫ້ແມ່ຍິງ ແລະພ້ອມແລ້ວທີ່ຈະຮ່ວມມືກັບບັນດາປະເທດໃນຄວາມມານະພະຍາຍາມລວມນີ້.

ໂດຍ: ຈາງຫງວຽນ