ກອງປະຊຸມສຸດຍອດກຸ່ມບັນດາປະເທດອຸດສາຫະກຳພັດທະນາແຖວໜ້າໂລກ (G7) ໄດ້ໄຂຂຶ້ນໃນວັນທີ 26 ມິຖຸນາ ຢູ່ລັດ Bayern, ທາງທິດໃຕ້ປະເທດເຢຍລະມັນ. ທ່ານນາຍົກລັດຖະມົນຕີ ເຢຍລະມັນ Olaf Scholz ພ້ອມກັບພັນລະຍາ ໄດ້ຕ້ອນຮັບການນຳພ້ອມກັບພັນລະຍາບັນດາປະເທດທີ່ຍັງເຫຼືອໃນກຸ່ມ G7 (ນອກຈາກເຢຍລະມັນຍັງມີ ອັງກິດ, ຝລັ່ງ, ອີຕາລີ, ຍີ່ປຸ່ນ, ການາດາ ແລະ ອາເມລິກາ) ພ້ອມກັບທ່ານນາງປະທານຄະນະກຳມະການເອີລົບ Ursula von der Leyen ແລະທ່ານປະທານສະພາເອີລົບ Charles Michel ຕາມພິທີທາງການ, ຫຼັງຈາກນັ້ນ ການນຳ 9 ທ່ານ ຈະເຂົ້າຮ່ວມການເຈລະຈາລັບ.
ຫາງສຽງຕີລາຄາວ່າ ການປະທະກັນລະຫວ່າງ ລັດເຊຍ - ຢູແກຼນ ຈະແມ່ນໜຶ່ງໃນບັນດາຫົວຂໍ້ພົ້ນເດັ່ນຢູ່ກອງປະຊຸມສຸດຍອດ G7 ຄັ້ງທີ 48 ນີ້. ວິກິດການດ້ານພະລັງງານ, ຄວາມສ່ຽງເກີດໄພອຶດຫິວ ຢູ່ບັນດາພາກພື້ນ, ພິເສດແມ່ນຢູ່ອາບຟຼິກກາຕາເວັນອອກ, ກໍ່ຄືບັນຫາປົກປັກຮັກສາດິນຟ້າອາກາດ ຈະແມ່ນບັນດາເນື້ອໃນທີ່ໄດ້ສຸມໃສ່ປຶກສາຫາລືຢູ່ກອງປະຊຸມຄັ້ງນີ້.
ແຫຼ່ງຄັດຈາກ: vovworld.vn
Type the code from the image