ຍີ່ປຸ່ນ ກຽມທົດລອງຮັບນັກທ່ອງທ່ຽວກຸ່ມນ້ອຍໃນທ້າຍເດືອນນີ້
ຫວ່າງແລ້ວນີ້, ລັດຖະບານ ຍີ່ປຸ່ນ ປະກາດແຜນທົດລອງທ່ອງທ່ຽວກັບນັກທ່ອງທ່ຽວກຸ່ມນ້ອຍ ຈາກບາງປະເທດໃນທ້າຍເດືອນນີ້...
ຕາມຂ່າວຈາກໂຕກຽວ, ຫວ່າງແລ້ວນີ້, ລັດຖະບານຍີ່ປຸ່ນ ປະກາດແຜນທົດລອງທ່ອງທ່ຽວກັບນັກທ່ອງທ່ຽວກຸ່ມນ້ອຍຈາກບາງປະເທດໃນທ້າຍເດືອນນີ້ ໂດຍນັກທ່ອງທ່ຽວທີ່ໄດ້ສັກວັກຊິນກັນໂຄວິດ-19 ຢ່າງໜ້ອຍ 3 ເຂັມ ຈາກ ສ.ອາເມລິກາ, ອົດສະຕາລີ, ໄທ ແລະ ສິງກະໂປ ຈະເປັນກຸ່ມທຳອິດທີ່ສາມາດເດີນທາງເຂົ້າຍີ່ປຸ່ນ ໃນແບບກຸ່ມນ້ອຍ ຊຶ່ງຈະມີການຈຳກັດຈຳນວນໂດຍຕ້ອງມີຕົວແທນຂອງຜູ້ໃຫ້ບໍລິການທ່ອງທ່ຽວ ເອົາໃຈໃສ່ເບິ່ງແຍງຕະຫລອດເວລາ ແລະທຸກພາກສ່ວນທີ່ກ່ຽວຂ້ອງຈະແລກປ່ຽນບົດຮຽນ ຮ່ວມກັນ ເພື່ອກຳນົດມາດຕະການ ທີ່ກ່ຽວຂ້ອງ ເພື່ອກ້າວໄປສູ່ການເປີດຮັບນັກທ່ອງທ່ຽວຢ່າງເຕັມຮູບແບບ ແລະຕອບສະໜອງ ເມື່ອເກີດກໍລະນີ ສຸກເສີນອື່ນໆ ໂດຍສະເພາະ ໃນກໍລະນີພົບຜູ້ຕິດເຊື້ອຫລັງຈາກຍີ່ປຸ່ນ ຜ່ອນຜັນມາດຄະການຄວບຄຸມຕາມຊາຍແດນໃຫ້ກັບຊາວຕ່າງປະເທດ ຈາກ 106 ປະເທດທົ່ວໂລກ.
ແຫຼ່ງຄັດຈາກ: kpl.gov.la