ອີຣານ, ລັດເຊຍ, ຈີນ ເລີ່ມຕົ້ນການຊ້ອມຮົບຕ້ານໂຈນສະຫລັດ
ວັນທີ 21 ມັງກອນ, ສາມປະເທດລວມມີ ອີຣານ, ລັດເຊຍ ແລະ ຈີນ ໄດ້ເລີ່ມຕົ້ນການຊ້ອມຮົບທາງອາກາດ ແລະທາງທະເລຢູ່ ມະຫາສະມຸດອິນເດຍ ເພື່ອແນໃສ່ຕ້ານໂຈນສະຫລັດ.
ໂຄສົກການຊ້ອມຮົບຂອງອີຣານ, ພົນເຮືອເອກ Mustafa Tajeddini ໃຫ້ຮູ້ວ່າ: ການຊ້ອມຮົບແມ່ນນອນໃນຂອບເຂດການຮ່ວມມືປ້ອງກັນຄວາມສະຫງົບ ແລະການທະຫານລະຫວ່າງສາມປະເທດເພື່ອແນໃສ່ຮັບມືກັບໄພນາບຂູ່ທີ່ພວມມີຢູ່ແລ້ວ. ການຊ້ອມຮົບດັ່ງກ່າວແມ່ນດຳເນີນໃນເວລາ 3 ວັນ ໃນເຂດທະເລກວ້າງ 17.000 ກີໂລຕາແມັດ ຢູ່ທາງທິດເຫນືອຂອງມະຫາສະມຸດອິນເດຍ ເພື່ອແນໃສ່ປັບປຸງຄວາມສາມາດປ້ອງກັນ, ກຽມພ້ອມສູ້ຮົບກໍ່ຄືເພີ່ມທະວີການພົວພັນຮ່ວມມືລະຫວ່າງກຳລັງທະຫານເຮືອ 3 ປະເທດ, ຜ່ານນັ້ນຮັບປະກັນຄວາມໝັ້ນຄົງລວມ ແລະຕ້ານການກໍ່ການຮ້າຍ.
ແຫຼ່ງຄັດຈາກ: vovworld.vn