G7 ຈັດກອງປະຊຸມດ່ວນກ່ຽວກັບເຊື້ອໄວຣັດສາຍພັນ Omicron
ວັນທີ 29 ພະຈິກ, ລັດຖະມົນຕີກະຊວງສາທາລະນະສຸກ ກຸ່ມບັນດາປະເທດອຸດສາຫະກຳພັດທະນາແຖວໜ້າໂລກ (G7) ໄດ້ຈັດກອງປະຊຸມທາງໄກ ກ່ຽວກັບສະພາບການໂຄວິດ - 19 ໃນປັດຈຸບັນ.
ໃນຖະແຫຼງການຮ່ວມມືພາຍຫຼັງກອງປະຊຸມ, ລັດຖະມົນຕີສາທາລະນະສຸກບັນດາປະເທດ G7 ໄດ້ເນັ້ນໜັກວ່າ ໂລກພວມຕ້ອງປະເຊີນໜ້າກັບຄວາມສ່ຽງຈາກເຊື້ອໄວຣັດສາຍພັນ Omicron ແລະຕາມການຕີລາຄາເບື້ອງຕົ້ນ, ເຊື້ອໄວຣັດສາຍພັນນີ້ ມີຄວາມສ່ຽງຕິດເຊື້ອສູງ, ເພາະສະນັ້ນ ຕ້ອງມີການກະທຳໂດຍດ່ວນ. ຖະແຫຼງການເນັ້ນໜັກວ່າ G7 ສະໜັບສະໜູນຢ່າງແຮງແຜນການສ້າງເຄືອຂ່າຍຕິດຕາມເຊື້ອໄວຣັດສາກົນໃນຂອບເຂດຂອງອົງການອະນາໄມໂລກ (WHO).
ລັດຖະມົນຕີບັນດາປະເທດ G7 ກໍ່ຍອມຮັບບັນຫາທີ່ມີລັກສະນະຍຸດທະສາດ ໂດຍກ່ຽວຂ້ອງເຖິງສິດໄດ້ນຳໃຊ້ວັກຊິນກັນໂຄວິດ - 19 ທຸກຊະນິດ ແລະ ຈະຊຸກຍູ້ບັນດາຄຳໝັ້ນສັນຍາອຸປະຖຳຂອງບັນດາສະມາຊິກໃນກຸ່ມ.
ແຫຼ່ງຄັດຈາກ: vovworld.vn