ການເຈລະຈາກ່ຽວກັບຂໍ້ຕົກລົງນິວເຄຼຍ ຈະໄດ້ຮັບການເຊື່ອມຕໍ່ຄືນໃໝ່ໃນ 2 – 3 ອາທິດຈະມາເຖິງ
ວັນທີ 21 ກັນຍາ, ກະຊວງການຕ່າງປະເທດ ອີຣານ ໃຫ້ຮູ້ວ່າ ບັນດາການເຈລະຈາລະຫວ່າງປະເທດນີ້ກັບບັນດາປະເທດມະຫາອຳນາດໃນໂລກກ່ຽວກັບການຟື້ນຟູຂໍ້ຕົກລົງນິວເຄຼຍປີ 2015, ຫຼືຍັງເອີ້ນວ່າ ແຜນການດຳເນີນງານຮ່ວມຮອບດ້ານ (JCPOA) ໄດ້ຮັບການລົງນາມລະຫວ່າງ ອີຣານ ກັບກຸ່ມ P5+1 (ອັງກິດ, ຝຣັ່ງ, ຈີນ, ອາເມລິກາ, ລັດເຊຍ ແລະ ເຢຍລະມັນ) ຈະໄດ້ຮັບການເຊື່ອມຕໍ່ຄືນໃໝ່ໃນ 2 – 3 ອາທິດຈະມາເຖິງ. ຝ່າຍ ອີຣານ ຖືວ່າ “ກອງປະຊຸມທຸກໆຄັ້ງ ລ້ວນແຕ່ຕ້ອງການມີການສົມທົບ ແລ ກະກຽມໂຄງການດຳເນີນງານ”.
ກ່ອນໜ້ານັ້ນ, ວັນທີ 20 ກັນຍາ, ທ່ານ Josep Borell, ຜູ້ຕາງໜ້າຂັ້ນສູງຮັບຜິດຊອບກ່ຽວກັບຄວາມໝັ້ນຄົງ ແລະການຕ່າງປະເທດຂອງ ສະຫະພາບເອີີຣົບ (ອີຢູ) ໃຫ້ຮູ້ວ່າ ທ່ານລັດຖະມົນຕີການຕ່າງປະເທດບັນດາປະເທດ ອັງກິດ, ຝລັ່ງ, ລັດເຊຍ, ຈີນ ແລະ ເຢຍລະມັນ ຈະບໍ່ໂຮມປະຊຸມກັບທ່ານລັດຖະມົນຕີການຕ່າງປະເທດ ອີຣານ ຢູ່ ສປຊ ໃນອາທິດນີ້ ເພື່ອປຶກສາຫາລືກ່ຽວກັບການເຊື່ອມຕໍ່ການເຈລະຈາຂໍ້ຕົກລົງ JCPOA ຄືນໃໝ່. ເຖິງຢ່າງໃດກໍຕາມ, ຕາມທ່ານ Saeed Khatibzadeh ໂຄສົກກະຊວງການຕ່າງປະເທດອິຣານ ໃຫ້ຮູ້ວ່າ ທ່ານລັດຖະມົນຕີຕ່າງປະເທດ ອີຣານ Hossein Amirbollahian ຈະມີການພົບປະຕ່າງຫາກກັບລັດຖະມົນຕີບັນດາປະເທດຢູ່ນອກກອງປະຊຸມສະມັດຊາໃຫຍ່ ສປຊ ຊຸດທີ 76, ໃນນັ້ນສຸມໃສ່ປືກສາຫາລືກ່ຽວກັບຂໍ້ຕົກລົງ JCPOA ແລະບັນດາການເຈລະຈາຢູ່ ວຽນ, ປະເທດໂອຕາລິດ.
ແຫຼ່ງຄັດຈາກ: vovworld.vn