ສ.ເກົາຫຼີ ແລະ ອົດສະຕາລີ ຢັ້ງຢືນຄຳໝັ້ນສັນຍາກ່ຽວກັບພາກພື້ນມະຫາສະໝຸດອິນເດຍ - ປາຊີຟິກ ຄືນໃໝ່
ສ.ເກົາຫຼີ ແລະ ອົດສະຕາລີ ໄດ້ຢັ້ງຢືນຄຳໝັ້ນສັນຍາ ຊຸກຍູ້ສະຖຽນລະພາບຢູ່ພາກພື້ນມະຫາສະໝຸດອິນເດຍ - ປາຊີຟິກ ໃນການເຈລະຈາ 2+2 ທີ່ໄດ້ດຳເນີນໃນວັນທີ 13 ກັນຍາ ລະຫວ່າງ, ທ່ານລັດຖະມົນຕີຕ່າງປະເທດ Chung Eui-yong ແລະ ທ່ານລັດຖະມົນຕີກະຊວງປ້ອງກັນປະເທດ Suh Wook ຂອງ ສ.ເກົາຫຼີ ກັບບັນດາຄູ່ຮ່ວມຕຳແໜ່ງຂອງອົດສະຕາລີ ແມ່ນທ່ານນາງ Marise Payne ແລະທ່ານ Peter Dutton.
ທ່ານນາງລັດຖະມົນຕີຕ່າງປະເທດ ອົດສະຕາລີ Marise Payne ໄດ້ໃຫ້ຂໍ້ສັງເກດວ່າ ອົດສະຕາລີ ແລະ ສ.ເກົາຫຼີ ແມ່ນສອງປະເທດທີ່ມີວິໄສທັດລວມກ່ຽວກັບພາກພື້ນ ມະຫາສະໝຸດອິນເດຍ - ປາຊີຟິກ ທີ່ປອດໄພ, ເປີດກວ້າງ, ວັດທະນາຖາວອນ ອີງໃສ່ການຄ້າເສລີ ແລະອຳນາດນິຕິບັນຍັດ. ທ່ານນາງ ກໍ່ສະແດງການຄັດຄ້ານຕໍ່ບັນດາການເຄື່ອນໄຫວເສດຖະກິດທີ່ມີລັກສະນະແບບບັງຄັບ ເຮັດໃຫ້ລະບົບການຄ້າອີງໃສ່ກົດໝາຍອ່ອນລົງ.
ກ່ຽວກັບບັນຫາ ສປປ.ເກົາຫຼີ, ທ່ານລັດຖະມົນຕີຕ່າງປະເທດ ສ.ເກົາຫຼີ Chung Eui-yong ໄດ້ເນັ້ນໜັກເຖິງຄວາມຕ້ອງການຢ່າງຮີບດ່ວນໃນການເຊື່ອມຕໍ່ການເຈລະຈາກັບ ສປປ.ເກົາຫຼີ ຄືນໃໝ່. ໃນຂະນະນັ້ນ, ທ່ານນາງລັດຖະມົນຕີການຕ່າງປະເທດ ອົດສະຕາລີ Marise Payne ເນັ້ນໜັກເຖິງສັນຕິພາບ ແລະສະຖຽນລະພາບອັນຍາວນາມຢູ່ແຫຼມເກົາຫຼີ ພຽງແຕ່ບັນລຸໄດ້ຜ່ານການເຈລະຈາ.
ແຫຼ່ງຄັດຈາກ: vovworld.vn