ຫວຽດນາມ ຮຽກຮ້ອງໃຫ້ບັນດາຝ່າຍຍອມຮັບຂໍ້ສະເໜີສັນຕິພາບໃຫ້ແກ່ເຢແມນ ໂດຍ ສປຊ ຊັກນໍາ
ກປ.ອອນໄລ - ວັນທີ 15 ມິຖຸນາ, ສະພາຄວາມໝັ້ນຄົງ ສປຊ ໄດ້ປຶກສາຫາລືກ່ຽວກັບສະພາບການ ເຢແມນ ດ້ວຍການເຂົ້າຮ່ວມຂອງທ່ານ Martin Griffiths ທູດພິເສດຂອງເລຂາທິການໃຫຍ່ ສປຊ ກ່ຽວກັບ ເຢແມນ, ທ່ານ Mark Lowcock ຮອງເລຂາທິການໃຫຍ່ ສປຊ ຮັບຜິດຊອບບັນຫາມະນຸດສະທໍາ ແລະທ່ານນາງ Najiba Al Naggar, ຜູ້ຕາງໜ້າອົງການຈັດຕັ້ງການເມືອງສັງຄົມຢູ່ເຢແມນ.
ບັນດາປະເທດສະມາຊິກສະພາຄວາມໝັ້ນຄົງ ສປຊ ໄດ້ກ່າວປະນາມການບຸກໂຈມຕີໃສ່ສາມັນຊົນ, ພິເສດແມ່ນແມ່ຍິງ ແລະເດັກນ້ອຍ, ພ້ອມທັງຮຽກຮ້ອງຢຸດຕິການເຄື່ອນໄຫວດ້ານການທະຫານ, ຊຸກຍູ້ຄວາມມານະພະຍາຍາມແກ້ໄຂສິ່ງທ້າທາຍດັ່ງກ່າວ, ໃນນັ້ນເນັ້ນໜັກບໍ່ກີດຂວາງມະນຸດສະທໍາ, ປະຕິບັດການປົກປ້ອງສາມັນຊົນ, ພິເສດແມ່ນແມ່ຍິງ ແລະເດັກນ້ອຍ. ບັນດາປະເທດກໍຮຽກຮ້ອງໃຫ້ບັນດາຝ່າຍຢູ່ເຢແມນ ປະຕິບັດສົນທິສັນຍາ Stockholm ແລະ Riyadh...
|
|
ທ່ານເອກອັກຄະລັດຖະທູດ ດັ້ງດິ່ງກຸ໊ຍ ຫົວໜ້າຄະນະຜູ້ຕາງໜ້າຫວຽດນາມ ປະຈໍາ ສປຊ. ພາບ: ສໍານັກຂ່າວສານຫວຽດນາມ. |
ກ່າວຄໍາເຫັນທີ່ກອງປະຊຸມ, ທ່ານ ດັ້ງດິ່ງກຸ໊ຍ ເອກອັກຄະລັດຖະທູດ, ຫົວໜ້າຄະນະຜູ້ຕາງໜ້າຫວຽດນາມ ປະຈໍາ ສປຊ ໄດ້ແບ່ງປັນກັບທັດສະນະຂອງບັນດາປະເທດສະພາຄວາມໝັ້ນຄົງວ່າ ບໍ່ມີມາດຕະການດ້ານການທະຫານໃຫ້ແກ່ການປະທະກັນຢູ່ເຢແມນ. ທ່ານ ດັ້ງດິ່ງກຸ໊ຍ ເນັ້ນໜັກວ່າ ມາດຕະການໜຶ່ງດຽວແມ່ນບັນດາຝ່າຍຢຸດຕິທຸກການກະທໍາທີ່ເປັນປໍລະປັກ ແລະຮຽກຮ້ອງໃຫ້ບັນດາຝ່າຍມານະພະຍາຍາມຮ່ວມມືກັບທ່ານທູດພິເສດ Martin Griffiths, ບັນດາຄູ່ຮ່ວມມືໃນພາກພື້ນ ແລະປະຊາຄົມສາກົນ, ມຸ່ງໄປເຖິງການຍອມຮັບຂໍ້ສະເໜີສັນຕິພາບໃຫ້ແກ່ ເຢແມນ ໂດຍ ສປຊ ຊັກນໍາ.
ໂດຍ: ໄຊຊະນະ