WHO ກ່າວເຕືອນກ່ຽວກັບຄວາມສ່ຽງພະຍາດໂຄວິດ-19 ອາດຈະແກ່ຍາວ
ກປ.ອອນໄລ - ຕາມສໍານັກຂ່າວສານ AFP ແລ້ວ, ວັນທີ 1 ສິງຫາ, ອົງການອະນາໄມໂລກ (WHO) ກ່າວເຕືອນວ່າ, ພະຍາດໂຄວິດ-19 ອາດຈະແກ່ຍາວ.
ນີ້ແມ່ນຖະແຫຼງການທີ່ WHO ຍົກອອກມາພາຍຫຼັງຄະນະກໍາມະການສຸກເສີນຂອງອົງການນີ້ຈັດກອງປະຊຸມເພື່ອຕີລາຄາກ່ຽວກັບສະພາບການຂອງພະຍາດໂຄວິດ-19 ໃນ 6 ເດືອນນັບແຕ່ເມື່ອປະກາດພາວະສຸກເສີນທົ່ວໂລກ.
|
|
ທ່ານ Tedros Adhanom Ghebreyesus ຜູ້ອໍານວຍການໃຫຍ່ WHO. ພາບ: AFP. |
WHO ໃຫ້ຮູ້ວ່າ, ຄະນະກໍາມະການສຸກເສີນກໍ່ກ່າວເຕືອນກ່ຽວກັບຄວາມສ່ຽງອາດຈະເກີດຄວາມຫຍຸ້ງຍາກຢູ່ປະເທດຕ່າງໆຍ້ອນແຮງດັນທາງດ້ານເສດຖະກິດ-ສັງຄົມ. ນອກຈາກນັ້ນ, WHO ກໍ່ໃສ່ໃຈເຖິງຄວາມສໍາຄັນຂອງບັນດາຄວາມມານະພະຍາຍາມຮັບມືກັບພະຍາດໂຄວິດ-19 ຂອງປະຊາຄົມ, ບັນດາປະເທດ, ພາກພື້ນ ແລະທົ່ວໂລກ. ສ່ວນທ່ານ Tedros Adhanom Ghebreyesus ຜູ້ອໍານວຍການໃຫຍ່ WHO ຖືວ່າຜົນສະທ້ອນຈາກພະຍາດໂຄວິດ-19 ຈະແກ່ຍາວ. ທ່ານ Tedros Adhanom Ghebreyesus ເນັ້ນໜັກວ່າ “ພະຍາດໂຄວິດ-19 ແມ່ນວິກິດການດ້ານສຸຂະພາບ ເຊິ່ງມັນເກີດຂຶ້ນພຽງແຕ່ເທື່ອດຽວໃນສະຕະວັດ ແຕ່ບັນດາຜົນກະທົບຂອງມັນຍັງຈະຮູ້ສຶກໄດ້ໃນຫຼາຍທົດສະວັດຈະມາເຖິງ”.
ໂດຍ: ເຈິ່ນຮວ່ຽນ