ວັດສອງຫຼັງຂອງຫວຽດນາມ ໄດ້ລອດເຂົ້າໃນ top ວັດສວຍງາມທີ່ສຸດໃນໂລກ
ກປ.ອອນໄລ - ວັດເຈິ໊ນກວ໊ກ (ຮ່າໂນ້ຍ) ແລະວັດບື໋ວລອງ (ນະຄອນໂຮ່ຈີມິນ) ໄດ້ລອດເຂົ້າໃນ top ບັນດາວັດສວຍງາມທີ່ສຸດຢູ່ໃນໂລກຕາມການຄັດເລືອກຂອງ National Geographic.
ວັດເຈິ໊ນກວ໊ກ ຕັ້ງຢູ່ເກາະທາງທິດຕາເວັນອອກຂອງໜອງໄຕ, ຂຶ້ນກັບເມືອງໄຕໂຮ່, ແມ່ນວັດເກົ່າແກ່ທີ່ສຸດຂອງດິນແດນທັງລອງ ເຊິ່ງມີອາຍຸກວ່າ 1.500 ປີ. ບໍ່ພຽງແຕ່ມີຊື່ສຽງດ້ວຍຄວາມງາມເກົ່າແກ່ເທົ່ານັ້ນ, ວັດເຈິ໊ນກວ໊ກ ຫາກຍັງມີຂົງເຂດຂຽວກວ້າງຂວາງ ແລະປອດໂປ່ງ, ສ້າງເປັນສະຖາປັດຕະຍະກຳທີ່ປະສົມກົມກຽວກັນທັງໝົດ. ວັດບື໋ວລອງ ຕັ້ງຢູ່ເມືອງ 9, ຫ່າງຈາກໃຈກາງນະຄອນໂຮ່ຈີມິນ ປະມານ 20 ກິໂລແມັດ, ມີຊື່ເອີ້ນທີ່ເປັນທາງການແມ່ນວັດໂຕ໋ດິ່ງບື໋ວລອງ. ໄດ້ຮັບການສ້າງຕັ້ງໃນປີ 1942, ມາຮອດປີ 2007, ວັດບື໋ວລອງ ໄດ້ຮັບການລົງທຶນກໍ່ສ້າງ, ປະຕິສັງຂອນ, ກາຍເປັນກິດຈະກຳສິລະປະສະຖາປັດຕະຍະກຳທີ່ພົ້ນເດັ່ນໃຫ້ແກ່ການສົມທົບກັນຢ່າງກົມກຽວຂອງວັດທະນະທຳໄທ, ອິນເດຍ ພ້ອມກັບຄວາມຍອດຍິ່ງຂອງສະຖາປັດຕະຍະກຳລາຊະວົງຫງວຽນ.
ໂດຍ: ຈາງຫງວຽນ