UNESCO ໜູນຊ່ວຍການສອນວິຊາອາຊີບໃຫ້ແກ່ເດັກນ້ອຍຫວຽດນາມ
ກປ.ອອນໄລ - ວັນທີ 26 ກຸມພາ, ຢູ່ແຂວງ ບ່າເຣ້ຍ-ຫວຸງເຕົ່າ, ອົງການສະຫະປະຊາຊາດ ເພື່ອການສຶກສາ, ວິທະຍາສາດ ແລະວັດທະນະທໍາ ປະຈໍາຫວຽດນາມ (UNESCO ຫວຽດນາມ) ໄດ້ສົມທົບກັບສູນສຶກສາວິຊາອາຊີບກໍາມະບານແຂວງບ່າເຣ້ຍ-ຫວຸງເຕົ່າ ຈັດຕັ້ງກອງປະຊຸມສໍາມະນາປຸກລະດົມ, ຜັນຂະຫຍາຍ ໂຄງການ “ຊຸກຍູ້ການເຂົ້າເຖິງການສຶກສາວິຊາອາຊີບ ແລະ ທັກສະຫັນປ່ຽນໃຫ້ເດັກນ້ອຍ ແລະ ຊາວໜຸ່ມນອກໂຮງຮຽນຢູ່ຫວຽດນາມ”.
ໂຄງການດັ່ງກ່າວ ໄດ້ຜັນຂະຫຍາຍຢູ່ 2 ແຂວງຄື: ດົ່ງທາບ ແລະ ບ່າເຣ້ຍ-ຫວຸງເຕົ່າ ໄລຍະ 2023-2024, ດ້ວຍອາຊີບຄື: ເຕັກນິກຜະລິດເຂົ້ົ້າໜົມໂດຍພື້ນຖານ; ເຕັກນິກປຸງແຕ່ງເຍື່ອງອາຫານ; ການຈອດໄຟຟ້າ; ໄຟຟ້າ; ເຕັກນິກຕັດຫຍິບອຸດສາຫະກໍາໂດຍພື້ນຖານ; ເຕັກນິກການດູແລສະປາໂດຍພື້ນຖານ ແລະທັກສະຮັບໃຊ້ຮ້ານອາຫານ. ນອກຈາກການສອນຟຣີ ແລະ ອອກໃບຢັ້ງຢືນວິຊາອາຊີບແລ້ວ, ພາຍຫຼັງສຳເລັດຊຸດບໍາລຸງກໍ່ສ້າງແລ້ວ, ສູນສຶກສາວິຊາອາຊີບກໍາມະບານແຂວງບ່າເຣ້ຍ - ຫວູງເຕົ່າ ແລະ UNESCO ຫວຽດນາມ ຈະໜູນຊ່ວຍແນະນໍາວຽກເຮັດງານທຳ ເພື່ອຊ່ວຍໃຫ້ເດັກນ້ອຍ ແລະ ຊາວໜຸ່ມ ມີວຽກເຮັດງານທຳແບບຍືນຍົງ, ສ້າງເງື່ອນໄຂໃຫ້ເດັກນ້ອຍ ສາມາດເຊື່ອມໂຍງເຂົ້າກັບຊຸມຊົນໃຫ້ດີກວ່າ.
ໂດຍ: ທູຈາງ