ນະຄອນໂຮ່ຈີມິນ ແລະນະຄອນເຊີນລາ ແມ່ນສະມາຊິກ “ເຄືອຂ່າຍນະຄອນແຫ່ງການຮໍ່າຮຽນທົ່ວໂລກ”
ກປ.ອອນໄລ - ວັນທີ 14 ກຸມພາ, ອົງການສຶກສາ, ວິທະຍາສາດ ແລະວັດທະນະທໍາ ສະຫະປະຊາຊາດ (UNESCO) ໄດ້ຈັດຕັ້ງພິທີປະກາດບັນຊີລາຍຊື່ 64 ນະຄອນ ຂອງ 35 ປະເທດທີ່ໄດ້ຮັບການຮັບຮອງວ່າເປັນສະມາຊິກຂອງ “ເຄືອຂ່າຍນະຄອນແຫ່ງການຮໍ່າຮຽນທົ່ວໂລກ”, ໃນນັ້ນ ຫວຽດນາມ ມີສອງນະຄອນ ນັ້ນແມ່ນນະຄອນ ໂຮ່ຈີມິນ ແລະນະຄອນ ເຊີນລາ (ແຂວງ ເຊີນລາ).
ທ່ານນາງເອກອັກຄະລັດຖະທູດ ຫງວຽນທິເວິນແອງ, ຜູ້ຕາງໜ້າຫວຽດນາມ ປະຈຳ UNESCO ແບ່ງປັນວ່າ, ນີ້ແມ່ນຄວາມພາກພູມໃຈ ແລະກໍ່ສະແດງໃຫ້ເຫັນຄວາມຮັບຮູ້ຂອງສາກົນກ່ຽວກັບ ຄວາມມານະພະຍາຍາມອັນພົ້ນເດັ່ນຂອງສອງນະຄອນໃນຂະບວນການຊຸກຍູ້ການຮ່ຳຮຽນ ຕະຫຼອດຊີວິດໃຫ້ປະຊາຊົນທຸກຊັ້ນວັນນະ. ນີ້ກໍ່ແມ່ນບາດກ້າວຜັນຂະຫຍາຍແຜນນະໂຍບາຍ, ແນວທາງ, ນະໂຍບາຍຂອງພັກ, ລັດ ຢ່າງລະອຽດ ກ່ຽວກັບການເຊື່ອມໂຍງເຂົ້າກັບສາກົນ, ສົ່ງເສີມການຮ່ຳຮຽນ, ສ້າງສັງຄົມໃຫ້ມີການຮ່ຳຮຽນ, ຍົກສູງຄຸນນະພາບການສຶກສາ ແລະ ແຫຼ່ງຊັບພະຍາກອນມະນຸດ.
|
|
ບັນດາຜູ້ແທນເຂົ້າຮ່ວມພິທີປະກາດ ຢູ່ຈຸດເຊື່ອມຕໍ່ເຊີນລາ. ພາບ: vovworld.vn |
ທ່ານ ດ່າວກວ່ຽນເຈືອງ, ຮອງຫົວໜ້າກົມການທູດວັດທະນະທຳ ແລະ UNESCO - ກະຊວງການຕ່າງປະເທດ, ກໍາມະການເລຂາທິການຄະນະກຳມະການແຫ່ງຊາດ UNESCO ຫວຽດນາມ ຕີລາຄາວ່າ ນີ້ແມ່ນໝາກຜົນແຫ່ງການປະຕິບັດຍຸດທະສາດການທູດວັດທະນະທຳຮອດປີ 2030, ປະກອບສ່ວນເຂົ້າໃນການປະຕິບັດມະຕິກອງປະຊຸມໃຫຍ່ ຄັ້ງທີ 13 ຂອງພັກ, ມະຕິເລກທີ 22 ຂອງກົມການເມືອງກ່ຽວກັບການເຊື່ອມໂຍງເຂົ້າກັບສາກົນ ແລະຄໍາສັ່ງເລກທີ 25 ຂອງຄະນະເລຂາກ່ຽວກັບການຍູ້ແຮງ ແລະຍົກລະດັບການພົວພັນຕ່າງປະເທດຫຼາຍຝ່າຍໃຫ້ປະສົບຜົນສໍາເລັດ.
ໂດຍ: ຈາງຫງວຽນ