ຫວຽດນາມ-ລາວ ເພີ່ມທະວີການຮ່ວມມືດ້ານການສຶກສາ-ກໍ່ສ້າງ
ກປ.ອອນໄລ - ຕອນບ່າຍວັນທີ 24 ກຸມພາ, ຄະນະປະຕິບັດງານກະຊວງສຶກສາທິການ ແລະກິລາລາວ, ສະຖານທູດລາວ ປະຈໍາ ຫວຽດນາມ ພ້ອມກັບຜູ້ຕາງໜ້າກະຊວງສຶກສາ ແລະກໍ່ສ້າງຫວຽດນາມ ໄດ້ມີການຢ້ຽມຢາມ ແລະເຮັດວຽກກັບມະຫາວິທະຍາໄລສ້າງຄູ-ເຕັກນິກວີງ.
ໃນຊຸມປີມໍ່ໆມານີ້, ມະຫາວິທະຍາໄລສ້າງຄູ-ເຕັກນິກວີງ ໄດ້ສົມທົບການສຶກສາ-ກໍ່ສ້າງສາກົນກັບສປປ ລາວ ເປັນປະຈໍາ. ໃນນັ້ນ, ໄດ້ລົງນາມໃນການຮ່ວມມືກັບກະຊວງສຶກສາທິການ ແລະກິລາລາວ, ພະແນກສຶກສາທິການ ແລະກິລານະຄອນຫຼວງວຽງຈັນ, ບັນດາແຂວງບໍລິຄໍາໄຊ, ຊຽງຂວາງ, ຫົວພັນ... ເພື່ອກໍ່ສ້າງນັກສຶກສາສັງກັດບັນດາຂະແໜງເຕັກນິກ, ສ້າງຄູ. ປະຈຸບັນ, ມະຫາວິທະຍາໄລສ້າງຄູ-ເຕັກນິກວີງ ໄດ້ກໍ່ສ້າງນັກສຶກສາຕ່າງປະເທດກວ່າ 300 ຄົນດ້ວຍລະດັບ: ປະລິຍາໂທ, ປະລິຍາຕີ, ວິທະຍາໄລ, ວິຊາອາຊີບ ແລະຮຽນພາສາຫວຽດນາມ.
|
|
ອະທິການບໍດີມະຫາວິທະຍາໄລສ້າງຄູ-ເຕັກນິກວີງ ມອບຂອງຂວັນເປັນທີ່ລະນຶກໃຫ້ຜູ້ຕາງໜ້າສະຖານທູດ ສປປ ລາວ ປະຈໍາຫວຽດນາມ. ພາບ: ມິຮ່າ. |
ທີ່ການເຮັດວຽກ, ການນໍາໂຮງຮຽນໄດ້ແນະນໍາກ່ຽວກັບບັນດາລາຍການກໍ່ສ້າງໃນປີ 2019. ໂຮງຮຽນກໍ່ແຈ້ງໃຫ້ຮູ້ກ່ຽວກັບແຜນການພັດທະນາຂອງໂຮງຮຽນ, ບັນດາໂຄງການທຶນສຶກສາ, ບັນດາທຶນໜູນຊ່ວຍໃຫ້ນັກສຶກສາສາກົນ. ໃນໄລຍະຈະມາເຖິງ, ການຮ່ວມມືກໍ່ສ້າງໄດ້ຮັບການຜັນຂະຫຍາຍຢ່າງແທດຈິງກວ່າ, ອີງໃສ່ຄວາມຕ້ອງການນໍາໃຊ້ຊັບພະຍາກອນມະນຸດຂອງປະເທດເພື່ອນມິດລາວ.
ໂດຍ: ທະນາພອນ