18 ປະເທດ ແລະເຂດແຄວ້ນ ເຂົ້າຮ່ວມການແຂ່ງຂັນສິລະປະການຈັດດອກໄມ້ສາກົນ
ງານວາງສະແດງ ແລະການແຂ່ງຂັນສິລະປະການຈັດດອກໄມ້ສາກົນ (World Flower Council Summit 2023) ໄດ້ໄຂຂຶ້ນໃນຕອນບ່າຍວັນທີ 10 ກັນຍາ ທີ່ຜ່ານມາ, ທີ່ນະຄອນດ່າລາດ, ແຂວງເລິມດົງ.
    |
 |
|
ພິທີມອບໃບຢັ້ງຢືນການຈັດດອກໄມ້ສາກົນ. ພາບ: ສໍານັກຂ່າວສານຫວຽດນາມ. |
ການຈັດຕັ້ງພິທີແມ່ນການຮ່ວມມືລະຫວ່າງສະມາຄົມດອກໄມ້ໂລກ (World Flower Council - WFC) ແລະມະຫາວິທະຍາໄລດ່າລາດ, ດ້ວຍການເຂົ້າຮ່ວມຂອງຜູ້ແທນ, ນັກສິລະປະກອນ 200 ຄົນທີ່ມາຈາກ 18 ປະເທດ ແລະເຂດແຄວ້ນ. ນີ້ແມ່ນການຈັດງານຄັ້ງທີ 37 ຂອງສະມາຄົມດອກໄມ້ໂລກ ແຕ່ເປັນຄັ້ງທຳອິດທີ່ຈັດງານຢູ່ນະຄອນແຫ່ງດອກໄມ້ດາລາດ ແລະຫວຽດນາມ.
ຫຼັງຈາກໄຂພິທີ, ນັກສິລະປະກອນອອກແບບການຈັດດອກໄມ້ 6 ຄົນທີ່ມາຈາກ ສິງກະໂປ, ມາເລເຊຍ, ສ.ເກົາຫຼີ, ຍີ່ປຸ່ນ, ມາເກົາ (ສປ ຈີນ), ຮົງກົງ (ສປ ຈີນ) ໄດ້ຂຶ້ນສະແດງສິລະປະການຈັດດອກໄມ້ເທິງເວທີ. ກໍ່ຢູ່ໃນຂອບເຂດຂອງລາຍການ, ນັກອອກແບບ 18 ຄົນ, ຕາງໜ້າໃຫ້ 18 ປະເທດ ແລະເຂດແຄວ້ນ ກໍ່ສືບຕໍ່ເຂົ້າຮ່ວມການສະແດງສິລະປະການຈັດດອກໄມ້ເທີງເວທີເພື່ອແນໃສ່ນຳສະເໜີກ່ຽວກັບສິລະປະການຕົກແຕ່ງດອກໄມ້ສົດທີ່ມີຄວາມໝາຍທີ່ສຸດ. ງານແຂ່ງຂັນສິລະປະການຈັດດອກໄມ້ສາກົນ 2023 ໄດ້ເຮັດພິທີມອບລາງວັນໃນຕອນບ່າຍນີ້.
ເນື້ອໃນ: ວິທະຍຸກະຈາຍສຽງຫວຽດນາມ