ກອງປະຊຸມສົນທະນາ “ໂຄງຮ່າງກ່ຽວກັບວັດທະນະທຳຫວຽດນາມ ແລະການພັດທະນາຂອງວັນນະຄະດີ ສິລະປະຫວຽດນາມ”
ກປ.ອອນໄລ - ວັນທີ 2 ມີນາ, ຢູ່ຮ່າໂນ້ຍ, ສະຫະພັນບັນດາສະມາຄົມວັນນະຄະດີສິລະປະຫວຽດນາມ ໄດ້ຈັດຕັ້ງກອງປະຊຸມສົນທະນາ “ໂຄງຮ່າງກ່ຽວກັບວັດທະນະທຳຫວຽດນາມ ແລະການພັດທະນາຂອງວັນນະຄະດີສິລະປະຫວຽດນາມ”.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2023/03/03/thicuc_la/3 2.jpg?dpi=150&quality=100&w=500) |
ບັນຍາກາດທີ່ກອງປະຊຸມສົນທະນາ. ພາບ: daibieunhandan.vn |
ມີບົດປະກອບຄໍາເຫັນ 31 ບົດໄດ້ສົ່ງເຖິງຄະນະຈັດຕັ້ງ ແລະມີບົດປະກອບຄໍາເຫັນ 10 ກວ່າບົດໄດ້ສະເໜີທີ່ກອງປະຊຸມ ໂດຍສຸມໃສ່ຢັ້ງຢືນຄຸນຄ່າຂອງໂຄງຮ່າງກ່ຽວກັບວັດທະນະທໍາຫວຽດນາມ ຕໍ່ການພັດທະນາວັນນະຄະດີ, ສິລະປະໃນແຕ່ລະສະໄໝ; ພັດທະນາພື້ນຖານວັນນະຄະດີ, ສິລະປະຕາມທິດກ້າວໜ້າ, ປະຊາທິປະໄຕ, ມະນຸດສາດ ແລະວິທະຍາສາດ; ສ້າງເງື່ອນໄຂ ເພື່ອໃຫ້ວັນນະຄະດີ ແລະສິລະປະພັດທະນາແບບຍືນຍົງ; ແກ້ໄຂສິ່ງກີດຂວາງກ່ຽວກັບກົນໄກຊຸກຍູ້ວັນນະຄະດີ ແລະສິລະປະພັດທະນາ...
ບັນດາບົດປະກອບຄໍາເຫັນທີ່ກອງປະຊຸມໄດ້ເຫັນດີເປັນເອກະພາບຕໍ່ທັດສະນະທີ່ວ່າຄວນສຸມໃສ່ຄົ້ນຄວ້າ, ກໍ່ສ້າງ, ເພີ່ມເຕີມ ແລະປັບປຸງລະບົບທິດສະດີວັນນະຄະດີສິລະປະຫວຽດນາມ ໃຫ້ສົມບູນແບບ; ເສີມຂະຫຍາຍບົດບາດຂອງການວິຈານວັນນະຄະດີ, ສິລະປະ; ຄົ້ນພົບ, ກໍ່ສ້າງ, ບໍາລຸງ ແລະປັບປຸງສະພາບແວດລ້ອມແຫ່ງການປະດິດຄິດສ້າງໃຫ້ແກ່ນັກສິລະປິນ, ໂດຍສະເພາະແມ່ນຕ້ອງບໍາລຸງລ້ຽງຖັນແຖວຜູ້ສືບທອດ; ຍົກສູງກໍາລັງຄວາມສາມາດດ້ານຄວາມງາມຂອງມະຫາຊົນ, ໂດຍສະເພາະແມ່ນໄວໜຸ່ມ...
ໂດຍ: ທະນາພອນ