“ສີສັນລະດູບານໃໝ່ຢູ່ທຸກແຖບຖິ່ນຂອງປະເທດຊາດ”
ກປ.ອອນໄລ - ນັ້ນແມ່ນຫົວຂໍ້ຂອງບັນດາກິດຈະກຳ "ຊົມເຊີຍພັກ, ຊົມເຊີຍລະດູບານໃໝ່ປີສະຫຼູ 2021" ທີ່ດໍາເນີນແຕ່ວັນທີ 1 ກຸມພາ ຫາວັນທີ 28 ກຸມພາ, ຢູ່ໝູ່ບ້ານວັດທະນະທໍາ-ທ່ອງທ່ຽວບັນດາຊົນເຜົ່າຫວຽດນາມ (ຮ່າໂນ້ຍ).
ລາຍການເພື່ອແນໃສ່ເຊີດຊູສີສັນວັດທະນະທໍາຫວຽດນາມ, ປະກອບສ່ວນເພີ່ມທະວີນໍ້າໃຈສາມັກຄີ, ຄວາມສະໜິດຕິດພັນລະຫວ່າງປະຊາຄົມ 54 ຊົນເຜົ່າອ້າຍນ້ອງ. ຕາມນັ້ນແລ້ວ, ພໍ່ແມ່ປະຊາຊົນກວ່າ 100 ຄົນຂອງ 14 ຊົນເຜົ່າ ສັງກັດ 12 ທ້ອງຖິ່ນຈະມີຫຼາຍກິດຈະກໍາທີ່ເປັນເອກະລັກສະເພາະຢູ່ທີ່ນີ້, ຄື: ລາຍການຟ້ອນລໍາພື້ນເມືອງ "ບົດເພງລະດູບານໃໝ່” ວາດພາບພິທີພາວະນາຂໍໃຫ້ມີຊີວິດຢູ່ເຢັນເປັນສຸກຂອງຊົນເຜົ່ານຸ່ງແຂວງທ໊າຍຫງວຽນ; ວາງສະແດງຮູບພາບດ້ວຍຫົວຂໍ້ “ງານບຸນມູນເຊື້ອຢູ່ຊາຍຄາລວມ”... ຄຽງຂ້າງນັ້ນແມ່ນບັນດາກິດຈະກໍາປະຈໍາວັນ, ທ້າຍອາທິດ, ງານບຸນລະດູບານໃໝ່, ແນະນຳວິທີຫໍ່ເຂົ້າຕົ້ມ, ແນະນຳອາຫານພື້ນເມືອງ, ການລະຫຼີ້ນພື້ນເມືອງ...
ໂດຍ: ເຈິ່ນຮວ່ຽນ