ຜະລິດຕະພັນໂທລະຄົມມະນາຄົມ Viettel ນອນໃນບັນຊີລາຍຊື່ທີ່ມີອິດທິພົນຊື່ສຽງຂອງບໍລິສັດຄົ້ນຄວ້າ ແລະໃຫ້ຄຳປຶກສາດ້ານເຕັກໂນໂລຢີຂໍ້ມູນຂ່າວສານແຖວໜ້າໃນໂລກ
ກປ.ອອນໄລ - ຕອນບ່າຍວັນທີ 31 ຕຸລາ, ບໍລິສັດໃຫຍ່ອຸດສາຫະກໍາເຕັກໂນໂລຢີສູງ Viettel (Viettel High Tech) ໃຫ້ຮູ້ວ່າ ໃນເດືອນຕຸລາ ປີ 2022, ຊຸດ 3 ຜະລິດຕະພັນ 5G gNodeB (ສະຖານີຮັບສົ່ງສັນຍານ 5G), vOCS 4.0 (ລະບົບໄລ່ເວລາຕົວຈິງ 4.0 ໃຫ້ເຄືອຂ່າຍ 5G) ແລະ 5G Core (ເຄືອຂ່າຍແກ່ນ 5G) ຂອງບໍລິສັດໃຫຍ່ອຸດສາຫະກໍາເຕັກໂນໂລຢີສູງ Viettel ໄດ້ເອົາເຂົ້າໃນບັນຊີລາຍຊື່ຕີລາຄາບັນດາຜະລິດຕະພັນສາກົນທີ່ມີອິດທິພົນຊື່ສຽງ ຂອງ Gartner - ບໍລິສັດຄົ້ນຄວ້າ ແລະໃຫ້ຄຳປຶກສາດ້ານເຕັກໂນໂລຢີຂໍ້ມູນຂ່າວສານແຖວໜ້າໃນໂລກ - Gartner Peer Insights (GPI).
Viettel High Tech ແມ່ນຫົວໜ່ວຍສະໜອງອຸປະກອນເຄືອຂ່າຍໂທລະຄົມມະນາຄົມທໍາອິດ ຢູ່ອາຊີຕາເວັນອອກສ່ຽງໃຕ້ທີ່ມີຜະລິດຕະພັນໂທລະຄົມມະນາຄົມ 5G ໄດ້ຮັບການຈັດອັນດັບໃນບັນຊີລາຍຊື່ Peer Insights ຂອງ Gartner. ຕາມນັ້ນແລ້ວ, 5G gNodeB ນອນໃນກຸ່ມຜະລິດຕະພັນເຄືອຂ່າຍເຂົ້າຟັງວິທະຍຸ 5G, vOCS 4.0 ໃນມາດຕະການຄຸ້ມຄອງລາຍຮັບ, 5G Core ໄດ້ຢູ່ໃນລາຍການເຄືອຂ່າຍຂໍ້ມູນຂ່າວສານວິສາຫະກິດ.
ດ້ວຍບາດກ້າວເລີ່ມຕົ້ນນີ້, Viettel High Tech ນອນໃນ Magic Quadrant - ບັນຊີລາຍຊື່ການຕີລາຄາບັນດາຫົວໜ່ວຍສະໜອງອຸປະກອນເຄືອຂ່າຍໂທລະຄົມມະນາຄົມ (vendor), ຜະລິດຕະພັນບໍລິການທີ່ມີອິດທິພົນຊື່ສຽງຂອງ Gartner, ສະໜອງຂໍ້ມູນຂ່າວສານຊ່ວຍເຫຼືອລູກຄ້າຕັດສິນໃຈນໍາໃຊ້ບັນດາການບໍລິການ, ຜະລິດຕະພັນອຸປະກອນໂທລະຄົມມະນາຄົມ, ທຽບເທົ່າກັບບັນດາຫົວໜ່ວຍສະໜອງແຖວໜ້າໃນໂລກ.
ໂດຍ: ຈາງຫງວຽນ