ກອງປະຊຸມສໍາມະນາວິທະຍາສາດ “ສະຫາຍ ເລດຶກເຖາະ ກັບການປະຕິວັດຫວຽດນາມ ແລະບ້ານເກີດເມືອງນອນ ນາມດິ້ງ”
ກປ.ອອນໄລ - ຕອນບ່າຍວັນທີ 7 ຕຸລາ, ກອງປະຊຸມສໍາມະນາວິທະຍາສາດ “ສະຫາຍ ເລດຶກເຖາະ ກັບການປະຕິວັດຫວຽດນາມ ແລະບ້ານເກີດເມືອງນອນ ນາມດິ້ງ” ໂດຍສະຖາບັນການເມືອງແຫ່ງຊາດໂຮ່ຈີມິນ, ຄະນະໂຄສະນາສຶກສາສູນກາງ ແລະຄະນະພັກແຂວງນາມດິ້ງ ສົມທົບກັນຈັດຕັ້ງຜ່ານທາງອອກລາຍ ຢູ່ສະຖາບັນການເມືອງແຫ່ງຊາດໂຮ່ຈີມິນ ແລະຄະນະພັກແຂວງນາມດິ້ງ. ກອງປະຊຸມສໍາມະນາໄດ້ຈັດຂຶ້ນເນື່ອງໃນໂອກາດສະເຫຼີມສະຫຼອງວັນຄ້າຍວັນເກີດສະຫາຍ ເລດຶກເຖາະ ຄົບຮອບ 110 ປີ (10-10-1911 / 10-10-2021).
ໃນບົດກ່າວປາໄສຊີ້ນໍາ ແລະສະເໜີກອງປະຊຸມສໍາມະນາ, ສະຫາຍ ຫງວຽນຊວນຖັ໊ງ, ຫົວໜ້າສະຖາບັນການເມືອງແຫ່ງຊາດໂຮ່ຈີມິນ, ປະທານສະພາທິດສະດີສູນກາງ ໄດ້ຫວນຄືນຊີວິດການເຄື່ອນໄຫວປະຕິວັດຂອງສະຫາຍ ເລດຶກເຖາະ ຈາກບົດບາດເປັນສະມາຊິກພັກຊຸດທໍາອິດຂອງພັກ ເຖິງກາຍເປັນຜູ້ນໍາທີ່ປີຊາສາມາດຂອງພັກ, ຂອງການປະຕິວັດຫວຽດນາມ.
|
|
ບັນຍາກາດທີ່ກອງປະຊຸມສໍາມະນາວິທະຍາສາດ ເນື່ອງໃນໂອກາດສະເຫຼີມສະຫຼອງວັນຄ້າຍວັນເກີດສະຫາຍ ເລດຶກເຖາະ ຄົບຮອບ 110 ປີ. ພາບ: ສໍານັກຂ່າວສານຫວຽດນາມ. |
ກວ່າ 40 ບົດປະກອບຄໍາເຫັນ ແລະບົດຂຽນຂອງການນໍາພັກ, ບັນດາຄະນະ, ກະຊວງ, ຂະແໜງການ, ແຂວງນາມດິ້ງ ແລະນັກວິທະຍາສາດທີ່ກອງປະຊຸມສຳມະນາ ສືບຕໍ່ເຮັດແຈ້ງ, ຢັ້ງຢືນການອຸທິດສ່ວນອັນໃຫຍ່ຫຼວງຂອງສະຫາຍ ເລດຶກເຖາະ ຕໍ່ການປະຕິວັດຫວຽດນາມ ຜ່ານສະໄໝຕ່າງໆ, ໃນນັ້ນ, ພົ້ນເດັ່ນກວ່າໝູ່ແມ່ນການປະກອບສ່ວນຂອງສະຫາຍ ທາງດ້ານການທູດ ແລະວຽກງານຈັດຕັ້ງພະນັກງານ, ກໍ່ສ້າງພັກ. ຜ່ານນັ້ນ, ເຮັດແຈ້ງຮູບພາບຂອງສະຫາຍ ເລດຶກເຖາະ, ນັກກອມມູນິດທີ່ອົງອາດກ້າຫານ, ເປັນຜູ້ນໍາທີ່ປີຊາສາມາດຂອງພັກ ແລະການປະຕິວັດຫວຽດນາມ, ຜູ້ທີ່ໄດ້ອຸທິດສ່ວນອັນໃຫຍ່ຫຼວງໃຫ້ແກ່ວຽກງານຈັດຕັ້ງ, ກໍ່ສ້າງພັກ; ແມ່ນໜຶ່ງໃນບັນດາລູກສິດຂອງປະທານໂຮ່ຈີມິນ, ລູກຜູ້ດີເດັ່ນຂອງແຂວງນາມດິ້ງ; ສູ້ຊົນ, ສະຫຼະຕະຫຼອດຊີວິດໃຫ້ແກ່ພາລະກິດປະຕິວັດຂອງພັກ ແລະຂອງຊາດ.
ໂດຍ: ໄຊຊະນະ