ເພີ່ມທະວີການຮ່ວມມືລະຫວ່າງນະຄອນໂຮ່ຈີມິນ ແລະນະຄອນ Daegu ຂອງ ສ.ເກົາຫຼີ
ກປ.ອອນໄລ - ຕອນບ່າຍວັນທີ 14 ກັນຍາ, ທ່ານ ຫງວຽນແທ່ງຟອງ ປະທານຄະນະກໍາມະການປະຊາຊົນນະຄອນໂຮ່ຈີມິນ ໄດ້ມີການເຮັດວຽກທາງໄກກັບທ່ານ Kwon Young Jin, ເຈົ້າຄອງນະຄອນ Daegu ຂອງ ສ.ເກົາຫຼີ ເພື່ອແລກປ່ຽນທິດທາງຊຸກຍູ້ການພົວພັນລະຫວ່າງສອງທ້ອງຖິ່ນ.
ທີ່ການເຮັດວຽກ, ທ່ານ ຫງວຽນແທ່ງຟອງ ຫວັງວ່າໃນໄລຍະຈະມາເຖິງ, ນະຄອນໂຮ່ຈີມິນ ຈະໄດ້ຮັບການຮ່ວມມື, ແບ່ງປັນບົດຮຽນຈາກນະຄອນ Daegu ໃນບັນດາໂຄງການກໍ່ສ້າງຕົວເມືອງອັດສະລິຍະ, ຄື: ກໍ່ສ້າງໂຄງລ່າງຂໍ້ມູນຂ່າວສານ, ພື້ນຖານຂໍ້ມູນ, ຮັກສາຄວາມລັບດ້ານຂໍ້ມູນຂ່າວສານ...
|
|
ບັນຍາກາດທີ່ການເຮັດວຽກ. ພາບ: ສໍານັກຂ່າວສານຫວຽດນາມ. |
ຄຽງຂ້າງນັ້ນ, ນະຄອນໂຮ່ຈີມິນ ກໍ່ພ້ອມແລ້ວທີ່ຈະຮ່ວມມືກັບນະຄອນ Daegu ໃນບັນດາຂົງເຂດທີ່ Daegu ມີທ່າແຮງ ແລະນະຄອນມີຄວາມເອົາໃຈໃສ່ລົງທຶນພັດທະນາ, ຄື: ການກໍາຈັດນໍ້າ, ການທ່ອງທ່ຽວ. ນະຄອນໂຮ່ຈີມິນ ຈະສະເໜີໃຫ້ກະຊວງຄົມມະນາຄົມ ແລະຂົນສົ່ງຫວຽດນາມ ເອົາໃຈໃສ່ເຖິງການສະເໜີຂອງທ່ານ Kwon Young Jin ກ່ຽວກັບການເປີດສາຍການບິນໂດຍກົງລະຫວ່າງນະຄອນ Daegu ແລະນະຄອນໂຮ່ຈີມິນ.
ສ່ວນທ່ານ Kwon Young Jin ຢັ້ງຢືນວ່າ ນະຄອນ Daegu ພ້ອມແລ້ວທີ່ຈະແບ່ງປັນບົດຮຽນ, ປາດຖະໜາຢາກປະກອບສ່ວນ, ໜູນຊ່ວຍວິວັດການກໍ່ສ້າງຕົວເມືອງອັດສະລິຍະຂອງນະຄອນໂຮ່ຈີມິນ. ທ່ານ Kwon Young Jin ໃຫ້ຄໍາໝັ້ນສັນຍາວ່າພາຍຫຼັງພະຍາດໂຄວິດ-19 ໄດ້ຮັບການຄວບຄຸມແລ້ວຈະຍູ້ແຮງບັນດາໂຄງການຮ່ວມມືກັບນະຄອນໂຮ່ຈີມິນ ໃນບັນດາຂົງເຂດສາທາລະນະສຸກ, ການທ່ອງທ່ຽວ; ຊຸກຍູ້ການສົ່ງເສີມການຮ່ວມມືລົງທຶນໃນຂົງເຂດການກໍາຈັດນໍ້າ.
ໂດຍ: ໄຊຊະນະ