ບໍລິສັດ Viettel Peru ໄດ້ຮັບຫຼຽນໄຊແຮງງານຊັ້ນ 3
ກປ.ອອນໄລ - ຕອນບ່າຍວັນທີ 5 ທັນວາ (ຕາມເວລາທ້ອງຖິ່ນ), ທີ່ ນະຄອນຫຼວງ Lima (ເປຣູ) ໂດຍໄດ້ຮັບມອບສິດຈາກປະທານປະເທດ, ທ່ານພົນໂທ ຟູ່ງສີເຕີນ ຮອງຫົວໜ້າກົມໃຫຍ່ເສນາທິການ ກອງທັບປະຊາຊົນຫວຽດນາມ ໄດ້ມອບຫຼຽນໄຊແຮງງານຊັ້ນ 3 ໃຫ້ແກ່ບໍລິສັດ Viettel Peru (Bitel).
    |
 |
|
ບັນຍາກາດທີ່ພິທີ. ພາບ: viettelfamily.com |
ກ່າວຄໍາເຫັນທີ່ພິທີ, ທ່ານພົນໂທ ຟູ່ງສີເຕີນ ຢືນຢັນວ່າ Viettel Peru ແມ່ນໜຶ່ງໃນບັນດາຈຸດພົ້ນເດ່ັນຂອງກຸ່ມບໍລິສັດອຸດສາຫະກໍາ-ໂທລະຄົມມະນາຄົມກອງທັບ (Viettel) ໃນຍຸດທະສາດລົງທຶນຢູ່ຕ່າງປະເທດ. ດ້ວຍເຄື່ອງໝາຍການຄ້າ Bitel, ປັດຈຸບັນ Viettel Peru ແມ່ນໜຶ່ງໃນບັນດາບໍລິສັດເຄືອຂ່າຍອິນເຕີແນັດທີ່ມີການເຕີບໂຕໄວທີ່ສຸດໃນປະເທດເປຣູ, ຮັບໃຊ້ໃຫ້ລູກຄ້າຫຼາຍກວ່າ 10 ລ້ານຄົນ, ດ້ວຍອັດຕາສ່ວນຕະຫຼາດໃຫຍ່ອັນດັບສອງໃນທົ່ວປະເທດ. ນີ້ເປັນພະຍານຫຼັກຖານທີ່ມີຊີວິດຊີວາໃຫ້ແກ່ທ່າອ່ຽງເຊື່ອມໂຍງເຂົ້າກັບສາກົນຢ່າງເລິກເຊິ່ງຂອງຫວຽດນາມ, ໃນນັ້ນ ວິສາຫະກິດກອງທັບ ມີບົດບາດນຳໜ້າໃນການເປີດກວ້າງການຮ່ວມມືດ້ານເສດຖະກິດ-ເຕັກໂນໂລຢີ; ຢືນຢັນຂີດຄວາມສາມາດ, ອິດທິພົນຊື່ສຽງ ແລະຄວາມແກ່ງແຍ້ງຂອງຫວຽດນາມ ໃນຕະຫຼາດທົ່ວໂລກ. ທ່ານພົນໂທ ຟູ່ງສີເຕີນ ເຊື່ອໝັ້ນວ່າ ບໍລິສັດ Viettel Peru ຈະສືບຕໍ່ເສີມຂະຫຍາຍມູນເຊື້ອ ແລະຄຸນທາດຂອງທະຫານລຸງໂຮ່, ສາມັກຄີ, ປະດິດຄິດສ້າງ, ຜ່ານຜ່າທຸກຄວາມຫຍຸ້ງຍາກລໍາບາກ, ສິ່ງທ້າທາຍ, ນັບມື້ນັບພັດທະນາຢ່າງໝັ້້ນຄົງເຂັ້້ມແຂງ, ກາຍເປັນສັນຍາລັກແຫ່ງການຮ່ວມມືສໍາເລັດຜົນລະຫວ່າງຫວຽດນາມ ແລະເປຣູ ໃນຂົງເຂດໂທລະຄົມມະນາຄົມ-ເຕັກໂນໂລຢີ.
ໂດຍ: ໄຊນີດາ