ກອງປະຊຸມເຈລະຈານະໂຍບາຍລະຫວ່າງກະຊວງພາຍໃນ ແລະບັນດາຄູ່ຮ່ວມມືສາກົນ

ບັນຍາກາດທີ່ກອງປະຊຸມ. ພາບ: vov.vn

ຕອນເຊົ້າວັນທີ 27 ພະຈິກ, ຢູ່ຮ່າໂນ້ຍ, ກະຊວງພາຍໃນ ໄດ້ຈັດຕັ້ງກອງປະຊຸມເຈລະຈານະໂຍບາຍລະຫວ່າງກະຊວງພາຍໃນ ແລະບັນດາຄູ່ຮ່ວມມືສາກົນດ້ວຍການເຂົ້າຮ່ວມຂອງທ່ານນາງ Sinwon Park ຜູ້ອໍານວຍການຫ້ອງການອົງການແຮງງານສາກົນ (ILO) ປະຈໍາ ຫວຽດນາມ, ທ່ານນາງ Caroline Nyamayemombe ຫົວໜ້າຜູ້ຕາງໜ້າອົງການສະຫະປະຊາຊາດ ເພື່ອຄວາມສະເໝີພາບລະຫວ່າງຍິງ-ຊາຍ ແລະມອບສິດໃຫ້ແມ່ຍິງ  ປະຈໍາ ຫວຽດນາມ, ທ່ານນາງ Ramla Khalidi ຫົວໜ້າຜູ້ຕາງໜ້າອົງການສະຫະປະຊາຊາດ ເພື່ອການພັດທະນາ ປະຈໍາ ຫວຽດນາມ, ພ້ອມດ້ວຍເອກອັກຄະລັດຖະທູດ, ຜູ້ຕາງໜ້າບາງສະຖານທູດ ປະຈໍາ ຮ່າໂນ້ຍ.

ກອງປະຊຸມແນໃສ່ສືບຕໍ່ເພີ່ມທະວີຄວາມເຂົ້າໃຈ ແລະສົມທົບກັນລະຫວ່າງບັນດາຝ່າຍໃນບັນດາຂົງເຂດທີ່ມີຄວາມສົນໃຈຮ່ວມ, ຜ່ານນັ້ນ, ປັບປຸງ, ເຮັດໃຫ້ເລິກເຊິ່ງ ແລະເປີດກວ້າງການພົວພັນຄູ່ຮ່ວມມື, ມຸ່ງໄປເຖິງການນຳໃຊ້ແຫຼ່ງກຳລັງຢ່າງມີປະສິດທິຜົນກວ່າ, ເໝາະສົມກັບບຸລິມະສິດພັດທະນາເສດຖະກິດ-ສັງຄົມຂອງຫວຽດນາມ.

ທີ່ກອງປະຊຸມ, ທ່ານນາງ Sinwon Park ຜູ້ອໍານວຍການຫ້ອງການ  ILO ປະຈໍາ ຫວຽດນາມ ໄດ້ສະເໜີ 3 ການຮ່ວມມືຍຸດທະສາດລະຫວ່າງຫວຽດນາມ ກັບບັນດາຄູ່ຮ່ວມມື, ລວມມີ: ເພີ່ມທະວີກຳລັງຄວາມສາມາດດ້ານລະບອບລະບຽບການ ແລະການບໍລິຫານແຮງງານ; ຮັບປະກັນຊີວິດສັງຄົມຢ່າງຮອບດ້ານ ແລະເໝາະສົມ; ຊຸກຍູ້ວຽກເຮັດງານທຳທີ່ມີສະມັດຕະພາບ, ການພັດທະນາທັກສະ ແລະການຫັນເປັນດີຈີຕອນ.

ໂດຍ: ເຈິ່ນຮວ່ຽນ