ພາຍຸ Kajiki ເຮັດໃຫ້ມີຜູ້ເສຍຊີວິດ 3 ຄົນ, ຜູ້ຮັບບາດເຈັບ 10 ຄົນ
ຕອນເຊົ້າວັນທີ 26 ສິງຫາ, ພາຍຸ Kajiki ໄດ້ມີກຳລັງແຮງພັດອ່ອນລົງກາຍເປັນຄວາມດັນອາກາດຕ່ຳເຂດຮ້ອນຢູ່ບໍລິເວນປະເທດລາວ, ລົມພັດແຮງສຸດຢູ່ໃນລະດັບ 7, ດ້ວຍຄວາມໄວ 61 km/h, ສືບຕໍ່ເຮັດໃຫ້ເກີດຝົນຕົກໜັກຢູ່ພາກເໜືອ ແລະເຂດພາກກາງຕອນເໜືອ.
ໄລ່ຮອດ 6 ໂມງເຊົ້າຂອງວັນທີ 26 ສິງຫາ, ສະພາບພາຍຸ ແລະຝົນຕົກນ້ຳຖ້ວມໂດຍການເຄື່ອນຕົວຂອງພາຍຸ Kajiki ໄດ້ເຮັດໃຫ້ມີຜູ້ເສຍຊີວິດ 3 ຄົນ ແລະ ຜູ້ຮັບບາດເຈັບ 10 ຄົນ. ຝົນຕົກນ້ຳຖ້ວມໄດ້ກໍ່ຜົນເສຍຫາຍຢ່າງໜັກໜ່ວງຕໍ່ການຜະລິດກະສິກຳ ແລະພື້ນຖານໂຄງລ່າງຢູ່ບັນດາແຂວງພາກເໜືອ ແລະພາກກາງຕອນເໜືອຫວຽດນາມ. ຕາມນັ້ນແລ້ວ, ມີ ກວ່າ 6.800 ຫຼັງຄາເຮືອນ ຖືກພັດໄປ ແລະເປ່ເພ; ເນື້ອທີ່ປູກເຂົ້າເກືອບ 29.000 ເຮັກຕາຖືກນ້ຳຖ້ວມ; ເນື້ອທີ່ປູກຕົ້ນໄມ້ທັນຍາຫານກວ່າ 2.200 ເຮັກຕາ ແລະ ຕົ້ນໄມ້ເກືອບ 18.000 ຕົ້ນຖືກຫັກລົ້ມ.
ກາງຄືນວັນທີ 25 ສິງຫາ, ໃນໂທລະເລກທາງການສະບັບທີ 3 ກ່ຽວກັບການແກ້ໄຂຜົນຮ້າຍຢ້ອນຫຼັງ ແລະຮັບມືພາຍຫຼັງພາຍຸ Kajiki, ທ່ານ ຟ້າມມິງຈິງ ນາຍົກລັດຖະມົນຕີຫວຽດນາມ ຮຽກຮ້ອງໃຫ້ລັດຖະມົນຕີ, ການນຳບັນດາແຂວງແຕ່ ແທັງຮວ໊າ ເຖິງ ກວ໋າງຈິ ອີງຕາມສະພາບການຕົວຈິງຢູ່ແຕ່ລະບໍລິເວນເພື່ອຕົກລົງ ແລະມີແຜນການໜູນຊ່ວຍປະຊາຊົນ. ທ່ານ ກໍຮຽກຮ້ອງໃຫ້ກະຊວງປ້ອງກັນປະເທດ, ກະຊວງຕຳຫຼວດ, ກະຊວງວິທະຍາສາດ ແລະເຕັກໂນໂລຢີ ຊີ້ນຳທະຫານເຂດ 4 ແລະ ບັນດາກົມກອງຕັ້ງທັບຢູ່ບໍລິເວນ ຜັນຂະຫຍາຍກຳລັງ, ຍານພາຫະນະເຄື່ອງອຸປະກອນທີ່ຈຳເປັນ, ກຽມພ້ອມໜູນຊ່ວຍປະຊາຊົນຮັບມື, ແກ້ໄຂຜົນຮ້າຍຈາກພາຍຸ, ຝົນຕົກນ້ຳຖ້ວມໂດຍໄວ.
ແຫຼ່ງຄັດຈາກ vovworld.vn