ໂທລະເລກຂອງນາຍົກລັດຖະມົນຕີ ກ່ຽວກັບການຈັດງານວາງສະແດງຜົນງານຂອງປະເທດ
ກປ.ອອນໄລ - ທ່ານ ມາຍວັນຈີິ້ງ ຮອງນາຍົກລັດຖະມົນຕີ ໄດ້ເຊັນໂທລະເລກ ສະບັບເລກທີ 142 ລົງວັນທີ 23 ສິງຫາ 2025 ຂອງນາຍົກລັດຖະມົນຕີ ກ່ຽວກັບການຈັດງານວາງສະແດງຜົນງານຂອງປະເທດເນື່ອງໃນໂອກາດສະເຫຼີມສະຫຼອງວັນຊາດ ຄົບຮອບ 80 ປີ.
ໂທລະເລກສົ່ງເຖິງລັດຖະມົນຕີກະຊວງວັດທະນະທໍາ, ກິລາ ແລະທ່ອງທ່ຽວ; ລັດຖະມົນຕີ, ຫົວໜ້າອົງການທຽບເທົ່າກະຊວງ, ອົງການຂຶ້ນກັບລັດຖະບານ; ເລຂາພັກແຂວງ, ປະທານຄະນະກຳມະການປະຊາຊົນບັນດາແຂວງ, ນະຄອນຂຶ້ນກັບສູນກາງ; ບັນດາອົງການ, ອົງການຈັດຕັ້ງ, ວິສາຫະກິດເຂົ້າຮ່ວມງານວາງສະແດງ.
    |
 |
|
ບັນດາຮ້ານວາງສະແດງທີ່ງານວາງສະແດງ. ພາບ: VGP |
ໂທລະເລກຊີ້ແຈ້ງວ່າ: ເພື່ອກະກຽມຢ່າງຮອບຄອບຖີ່ຖ້ວນຮັບໃຊ້ການຈັດງານວາງສະແດງຜົນງານຂອງປະເທດ ເນື່ອງໃນໂອກາດສະເຫຼີມສະຫຼອງວັນຊາດ ຄົບຮອບ 80 ປີ, ທ່ານນາຍົກລັດຖະມົນຕີ ມອບໃຫ້ກະຊວງວັດທະນະທຳ, ກິລາ ແລະທ່ອງທ່ຽວ ເປັນປະທານ ແລະສົມທົບກັບບັນດາກະຊວງ, ຂະແໜງການ, ທ້ອງຖິ່ນ, ອົງການ, ວິສາຫະກິດ ເພື່ອກະກຽມພື້ນທີ່ວາງສະແດງນອກບັນດາເຄື່ອງຈັກ, ພາຫະນະອຸປະກອນທີ່ເປັນເອກະລັກສະເພາະ, ເປັນແບບຢ່າງ, ໂດດເດັ່ນຮັບໃຊ້ບັນດາຂະແໜງການ, ຂົງເຂດອຸດສາຫະກຳ, ກໍ່ສ້າງ, ກະສິກຳ, ການຄ້າ ແລະການບໍລິການຂອງກຸ່ມບໍລິສັດ, ບໍລິສັດໃຫຍ່, ວິສາຫະກິດ; ພ້ອມກັນນັ້ນ, ກໍ່ເພີ່ມບັນດາຜະລິດຕະພັນ ແລະວັດຖຸພັນທີ່ເປັນເອກະລັກສະເພາະໃນບັນດາເຂດວາງສະແດງໃນຮົ່ມ, ເພື່ອຮັບໃຊ້ປະຊາຊົນ, ແຂກຢ້ຽມຊົມ ແລະສ້າງໂອກາດເພື່ອໃຫ້ບັນດາຄູ່ຮ່ວມມືທີ່ມີຄວາມສົນໃຈຊອກຮູ້ ແລະຊຸກຍູ້ການຮ່ວມມືພັດທະນາ.
ໂດຍ: ໄຊຊະນະ