ທ່ານນາຍົກລັດຖະມົນຕີ ຟ້າມມິງຈິ໊ງ: ຮັບມືກັບພາຍຸ Kajiki ຢ່າງວ່ອງໄວ, ທັນການ, ມີປະສິດທະຜົນ
ເພື່ອຫຼຸດຜ່ອນຄວາມເສຍຫາຍໃຫ້ຢູ່ໃນລະດັບຕ່ຳສຸດ ຍ້ອນພາຍຸ Kajiki ກໍ່ໃຫ້ເກີດ, ຕອນຄ່ຳວັນທີ 24 ສິງຫາ, ຢູ່ສະຖານທີ່ເຊື່ອມຕໍ່ກອງບັນຊາການແນວໜ້າຂອງລັດຖະບານ ຕັ້ງຢູ່ກອງບັນຊາການທະຫານເຂດ 4, ແຂວງ ເງະອານ, ລັດຖະບານ ໄດ້ຈັດກອງປະຊຸມຜັນຂະຫຍາຍການມອບໝາຍໜ້າທີ່ໃຫ້ບັນດາກະຊວງ, ຂະແໜງການສູນກາງ, ທ້ອງຖິ່ນ. ພາຍຸ Kajiki ຈະພັດຖະຫຼົ່ມເຂົ້າພາກກາງໃນວັນທີ 25 ສິງຫາ ນີ້.
    |
 |
|
ທ່ານ ຟ້າມມິງຈິ໊ງ ນາຍົກລັດຖະມົນຕີ ຫວຽດນາມ ກ່າວຄໍາເຫັນຊີ້ນໍາ. ພາບ: vov.vn |
ກ່າວຄຳເຫັນທີ່ກອງປະຊຸມ, ທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ ໄດ້ຕັກເຕືອນເຖິງຄວາມກົດດັນອາກາດ ຈະພາໃຫ້ເກີດຝົນຕົກໜັກ, ນ້ຳແກ່ງຖ້ວມ, ດິນເຊາະເຈື່ອນໂດຍສະເພາະແມ່ນຢູ່ບັນດາເຂດໂນນພູ, ເຂດແຄມທະເລກໍ່ຄວາມອັນຕະລາຍທີ່ສຸດ. ທ່ານ ສະເໜີໃຫ້ບັນດາກະຊວງ, ຂະແໜງການ, ທ້ອງຖິ່ນຕ້ອງແກ້ໄຂຢ່າງຂ້ຽວຂາດ, ຕິດຕາມຢ່າງແໜ້ນແຟ້ນ, ເປົ້າໝາຍແມ່ນກູ້ເອົາຊີວິດມະນຸດ, ປົກປ້ອງຊີວິດອິນຊີຂອງປະຊາຊົນແມ່ນເໜືອກວ່າສິ່ງໃດໝົດ, ຖັດຈາກນັ້ນແມ່ນປົກປ້ອງຊັບສິນໃຫ້ແກ່ປະຊາຊົນ, ຮັບປະກັນການຮັບມືຢ່າງວ່ອງໄວ, ທັນການ, ມີປະສິດທິຜົນທີ່ສຸດ. ທ່ານ ເນັ້ນໜັກວ່າ, ບັນດາທ້ອງຖິ່ນຕ້ອງປະຕິບັດການຍົກຍ້າຍປະຊາຊົນຈາກເຂດທີ່ມີຄວາມສ່ຽງສູງທີ່ຈະເກີດສະພາບນ້ຳແກ່ງຖ້ວມໄປຍັງເຂດປອດໄພ; ສຸມໃສ່ຮັບປະກັນຄວາມປອດໄພໃຫ້ແກ່ກຳປັ່ນ, ຮັບປະກັນຄວາມປອດໄພໃຫ້ອ່າງເກັບນ້ຳ, ເຂື່ອນກັນນ້ຳ…
ພາຍຫຼັງກອງປະຊຸມ, ທ່ານ ຟ້າມມິງຈິ໊ງ ນາຍົກລັດຖະມົນຕີ ໄດ້ລົງກວດກາວຽກງານປ້ອງກັນ, ຕ້ານພາຍຸຢູ່ຕາແສງ ເກືອລໍ່, ແຂວງເງະອານ.
ແຫຼ່ງຄັດຈາກ: vovworld.vn