leftcenterrightdel
ຕາແສງ ໂຮ້ຍຊວັນ, ແຂວງແທງຮວ໊າ ຖືກນຳຖ້ວມ. ພາບ: ສໍານັກຂ່າວສານຫວຽດນາມ

ໄລ່ຮອດເວລາ 15 ໂມງຂອງວັນທີ 26 ສິງຫາ, ລົມແຮງ ແລະຝົນຕົກພາຍຫຼັງພາຍຸໄດ້ເຮັດໃຫ້ມີ 7 ຄົນເສຍຊີວິດ ແລະ 1 ຄົນຫາຍສາບສູນ. ມີເຮືອນຢູ່, ໂຮງຮຽນ 8.700 ຫຼັງເປ່ເພ; ຕົ້ນໄມ້ເກືອບ 21.000 ຕົ້ນຖືກຫັກ, ລົ້ມ; ມີເສັ້ນທາງຄົມມະນາຄົມຫຼາຍສາຍ, ກິດຈະກຳຊົນລະປະທານ, ລະບົບໄຟຟ້າ, ໂທລະຄົມມະນາຄົມຖືກເຊາະເຈືອນ.

ເພື່ອແກ້ໄຂຜົນຮ້າຍຢ້ອນຫຼັງຈາກພາຍຸ Kajiki ແລະຝົນຕົກ, ນໍ້າແກ່ງຖ້ວມໂດຍໄວ, ວັນທີ 26 ສິງຫາ, ທ່ານນາຍົກລັດຖະມົນຕີຫວຽດນາມ ໄດ້ສົ່ງໂທລະເລກຮຽກຮ້ອງໃຫ້ປະທານຄະນະກຳມະການປະຊາຊົນບັນດາແຂວງ ແທງຮວ໊າ, ເງະອານ, ຮ່າຕິ້ງ ແລະບັນດາທ້ອງຖິ່ນຖືກຜົນສະທ້ອນຍ້ອນພາຍຸ ຊີ້ນຳການເຂົ້າເຖິງບັນດາເຂດຍັງພວມຖືກຕັດແຍກຍ້ອນໄພທຳມະຊາດ; ສຸມໃສ່ຊອກຫາບັນດາຜູ້ທີ່ຍັງຫາຍສາບສູນ; ປິ່ນປົວໃຫ້ຄົນເຈັບ; ໜູນຊ່ວຍປະຊາຊົນສ້ອມແປງເຮືອນຢູ່ຖືກເປ່ເພຍ້ອນພາຍຸ, ນ້ຳແກ່ງຖ້ວມ… ທ່ານນາຍົກລັດຖະມົນຕີ ກໍ່ຮຽກຮ້ອງໃຫ້ກຽມພ້ອມກຳລັງ, ວັດສະດຸກໍ່ສ້າງ, ພາຫະນະໜູນຊ່ວຍປະຊາຊົນແກ້ໄຂຜົນຮ້າຍຢ້ອນຫຼັງຈາກພາຍຸ, ນ້ຳແກ່ງຖ້ວມຢ່າງທັນການ.

ແຫຼ່ງຄັດຈາກ: vovworld.vn