ກອງທັບ ລະດົມພະນັກງານ, ນັກຮົບ 346.210 ຄົນ ພ້ອມກັບ 8.200 ພາຫະນະ ຮັບມືກັບພາຍຸ ລູກທີ 5
ກປ.ອອນໄລ - ຕອນຄ່ຳວັນທີ 23 ສິງຫາ, ຕາມຂໍ້ມູນຈາກຄະນະຊີ້ນຳປ້ອງກັນພົນລະເຮືອນແຫ່ງຊາດ, ເພື່ອຮັບມືກັບພາຍຸລູກທີ 5 (ພາຍຸ Kajiki), ກະຊວງປ້ອງກັນປະເທດ ໄດ້ລະດົມພະນັກງານ, ນັກຮົບ 346.210 ຄົນ (ທະຫານ 114.120 ຄົນ ແລະທະຫານລາດປ້ອງກັນຕົວ 232.090 ຄົນ) ພ້ອມກັບ 8.200 ພາຫະນະທຸກປະເພດ (ລົດໂອໂຕ 5.061 ຄັນ, ກໍາປັ່ນ 216 ຄັນ, ເຮືອອີໂມ ແລະກາໂນ 2.295 ລໍາ, ຍານພາຫະນະພິເສດ 623 ຄັນ ແລະ ເຮືອບິນ 5 ລໍາ).
ປະຕິບັດໂທລະເລກ ສະບັບເລກທີ 141 ລົງວັນທີ 22 ສິງຫາ 2025 ຂອງນາຍົກລັດຖະມົນຕີ, ກົມກູ້ຊີບ-ກູ້ໄພ ໄດ້ເປັນເສນາທິການໃຫ້ການນໍາກົມໃຫຍ່ເສນາທິການ ປະກາດໃຊ້ໂທລະເລກ ເລກທີ 4867 ລົງວັນທີ 22 ສິງຫາ 2025 ວ່າດ້ວຍການຮຽກຮ້ອງໃຫ້ບັນດາອົງການ, ກົມກອງຢູ່ໃນເຂດໄດ້ຮັບຜົນສະທ້ອນຈາກພາຍຸຮັກສາເຂັ້ມງວດການປະຈໍາການ, ກະກຽມກໍາລັງ, ພາຫະນະຕິດຕາມກໍາແໜ້ນສະພາບການ, ຜັນຂະຫຍາຍມາດຕະການປ້ອງກັນ, ຕ້ານຮັບປະກັນຄວາມປອດໄພໃຫ້ຄ້າຍຄູ່, ສາງ, ແລະບັນດາກິດຈະກໍາທີ່ພວມກໍ່ສ້າງ.
    |
 |
|
ປະຊາຊົນຕາແສງ ໂລກຮ່າ (ແຂວງຮ່າຕິ້ງ) ເກັບມ້ຽນເຄື່ອງຫາປາ ເພື່ອຫຼີກລ້ຽງພາຍຸ ລູກທີ 5. ພາບ: ສໍານັກຂ່າວສານຫວຽດນາມ. |
ບັນດາທະຫານເຂດ ຊີ້ນໍາກອງບັນຊາການທະຫານແຂວງ, ນະຄອນ ເປັນເສນາທິການໃຫ້ຄະນະພັກ, ອໍານາດການປົກຄອງທ້ອງຖິ່ນ ກວດກາຄືນແຜນການຮັບມືທີ່ສອດຄ່ອງກັບສະພາບຕົວຈິງ; ຮັບປະກັນຄວາມປອດໄພຢ່າງເດັດຂາດໃຫ້ຄົນ ແລະຍານພາຫະນະ ເມື່ອປະຕິບັດໜ້າທີ່.
ກ່ຽວກັບວຽກງານກວດນັບເຮືອ, ທະຫານຊາຍແດນບັນດາແຂວງ, ນະຄອນ ນັບແຕ່ ກວາງນິງ ຫາ ແຄ໋ງຮ່ວາ ໄດ້ສົມທົບກັບບັນດາທ້ອງຖິ່ນ, ຄອບຄົວເຈົ້າຂອງກຳປັ່ນ, ກັບຕັນ ເພື່ອແຈ້ງການ, ກວດນັບ ແລະແນະນຳພາຫະນະ 59.613 ຄັນ/248.820 ຄົນ ຮັບຊາບກ່ຽວກັບການຜັນແປ, ທິດເດີນຂອງພາຍຸ ເພື່ອເປັນເຈົ້າການໃນການຫຼີກລ່ຽງພາຍຸ. ບັນດາຍານພາຫະນະໃນເຂດທີ່ຖືກສະທ້ອນໄດ້ຮັບຂ່າວເຕືອນໄພ ແລະກໍາລັງເຄື່ອນຍ້າຍໄປຫາ ບ່ອນປອດໄພ.
ກໍໃນວັນທີ 23 ສິງຫາ, ທະຫານຊາຍແດນບັນດາແຂວງຮ່າຕິ້ງ, ເຫວ້, ກວ໋າງຫງາຍ ໄດ້ລະດົມພະນັກງານ, ນັກຮົບ 115 ຄົນ, ເຮືອອີໂມ 6 ລໍາ ເພື່ອແນະນໍາ ແລະຈັດວາງເຮືອ 274 ລໍາ ຢູ່ທີ່ບໍລິເວນຈອດ, ເສີມສ້າງເຮືອແພ 9 ລໍາ...
ໂດຍ: ກວຽດເຕິມ