ລາຍການ “ວັນຫວຽດນາມ ຢູ່ຕ່າງປະເທດ 2024” ມີຫົວຂໍ້ “ເຕົ້າໂຮມສິ່ງຍອດຍິ່ງພັນປີ-ບືນຕົວຂຶ້ນໃນສັງກາດໃໝ່” ເຊິ່ງຈະໄດ້ຈັດຕັ້ງຢູ່ນະຄອນ Rio de Janeiro ຂອງ ບຣາຊິນ, ເລີ່ມແຕ່ວັນທີ 15 ຫາວັນທີ 17 ພະຈິກ, ເນື່ອງໃນໂອກາດສະເຫຼີມສະຫຼອງ 35 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ-ບຣາຊິນ ແລະຢູ່ນະຄອນຫຼວງ Riyadh ຂອງ ຊາອຸດິ ອາຣາເບຍ, ເລີ່ມແຕ່ວັນທີ 13 ຫາວັນທີ 15 ທັນວາ, ເນື່ອງໃນໂອກາດສະເຫຼີມສະຫຼອງ 25 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ-ຊາອຸດິ ອາຣາເບຍ. ລາຍການໂດຍແມ່ນກົມການທູດວັດທະນະທໍາ ແລະ UNESCO, ກະຊວງການຕ່າງປະເທດຫວຽດນາມ ເປັນປະທານ, ສົມທົບກັນຈັດຕັ້ງກັບບັນດາຄູ່ຮ່ວມມືທີ່ກ່ຽວຂ້ອງ.

leftcenterrightdel
ບັນຍາກາດທີ່ກອງປະຊຸມຂ່າວ. ພາບ: ຄະນະຈັດຕັ້ງ

ລາຍການ “ວັນຫວຽດນາມ ຢູ່ຕ່າງປະເທດ 2024” ໄດ້ເລືອກເອົາຫົວຂໍ້ “ເຕົ້າໂຮມສິ່ງຍອດຍິ່ງພັນປີ-ບືນຕົວຂຶ້ນໃນສັງກາດໃໝ່” ແນໃສ່ເຊີດຊູ ແລະຢືນຢັນຄຸນຄ່າວັດທະນະທໍາ, ປະຫວັດສາດຂອງຊາດຫວຽດນາມ. ຫົວຂໍ້ນີ້ບໍ່ພຽງແຕ່ໄດ້ເນັ້ນໜັກຜົນງານດ້ານວັດທະນະທໍາ, ສິລະປະ, ມຸນເຊື້ອອັນລໍ້າຄ່າຂອງຊາດຫວຽດນາມ ເທົ່ານັ້ນ ຫາກຍັງສະແດງໃຫ້ເຫັນຄວາມຄາດຫວັງຢາກພັດທະນາ ແລະເຊື່ອມໂຍງໃນສະພາບການໂລກາພິວັດທີ່ທັນສະໄໝອີກດ້ວຍ. ຜ່ານຫົວຂໍ້, ຄະນະຈັດຕັ້ງ ຫວັງວ່າຈາກການເຈາະຈີ້ມກ່ຽວກັບມໍລະດົກວັດທະນະທໍາທີ່ອຸດົມສົບບູນ, ຈາກພາສາ, ຮີດຄອງປະເພນີຈົນເຖິງສິລະປະພື້ນເມືອງອາດຈະສົ່ງເສີມໃຫ້ຊາວຫວຽດນາມ ຢູ່ຕ່າງປະເທດຮັກສາ, ເສີມຂະຫຍາຍສີສັນຂອງຊາດ, ພ້ອມທັງປະກອບສ່ວນເຂົ້າໃນການພັດທະນາຂອງປະເທດໃນສັກສະຫຼາດເຕັກໂນໂລຢີ ແລະໂລກາພິວັດ. “ວັນຫວຽດນາມ ຢູ່ຕ່າງປະເທດ” ແມ່ນລາຍການໂຄສະນາລະດັບຊາດທີ່ນາຍົກລັດຖະມົນຕີ ໄດ້ມອບໝາຍໃຫ້ກົມການທູດວັດທະນະທໍາ ແລະ UNESCO, ກະຊວງການຕ່າງປະເທດຫວຽດນາມ ເປັນປະທານຈັດຕັ້ງນັບແຕ່ປີ 2010 ເປັນຕົ້ນມາ. ຜ່ານການຈັດຕັ້ງມາຫຼາຍປີ, ລາຍການໄດ້ສ້າງເຄື່ອງໝາຍການຄ້າສະເພາະ ແລະໄດ້ຮັບການເຂົ້າຮ່ວມ, ຕອບສະໜອງຢ່າງຕັ້ງໜ້າຂອງບັນດາວິສາຫະກິດ, ອົງການຈັດຕັ້ງ, ທ້ອງຖິ່ນກໍ່ຄືເພື່ອນມິດສາກົນ ແລະປະຊາຄົມຊາວຫວຽດນາມ ອາໄສຢູ່ຕ່າງປະເທດ.

ໂດຍ: ໄຊນີດາ