ຕາງໜ້າຄະນະຈັດຕັ້ງ, ທ່ານພັນເອກພິເສດ ເຈີ່ນວຽດນັງ, ຫົວໜ້າຄະນະຊາວໜຸ່ມກອງທັບ ໄດ້ປຸກລະດົມວັນບຸນ “ຊາວໜຸ່ມກອງທັບ ກັບວັດທະນະທຳການຈາລະຈອນ”. ຕາມນັ້ນແລ້ວ, ບັນດາອົງການຈັດຕັ້ງຊາວໜຸ່ມທຸກຂັ້ນຢູ່ພາຍໃນ ແລະນອກກອງທັບ ສືບຕໍ່ຊາບຊຶມຢ່າງເລິກເຊິ່ງ ແລະຫັນເນື້ອໃນຈຸດສຸມຂອງປີຄວາມປອດໄພໃນການຈະລາຈອນ 2024 ເປັນລະອຽດດ້ວຍຫົວຂໍ້ “ເຄົາລົບກົດໝາຍເພື່ອກໍ່ສ້າງວັດທະນະທຳໃນການຈະລາຈອນຢ່າງປອດໄພ” ແລະບັນດາມາດຖານຂອງການຂົນຂວາຍ “ຊາວໜຸ່ມ ກັບວັດທະນະທໍາການຈະລາຈອນ".

ພະນັກງານຄະນະຊາວໜຸ່ມ, ສະມາຊິກ ຊາວໜຸ່ມ, ຊາວໜຸ່ມຕື່ນຕົວຮໍ່າຮຽນສຶກສາ, ຝຶກຝົນຫຼໍ່ຫຼອມ ແລະປະຕິບັດຕາມກົດໝາຍຂອງລັດ ແລະບັນດາຂໍ້ກໍານົດກ່ຽວກັບຄວາມປອດໄພໃນການຈະລາຈອນຢ່າງເຂັ້ມງວດ. ໃນວັນບຸນ, ສະມາຊິກຊາວໜຸ່ມຂອງບັນດາອົງການ, ຫົວໜ່ວຍເກືອບ 1.000 ຄົນ ໄດ້ເຂົ້າຮ່ວມການເດີນຂະບວນ ເພື່ອໂຄສະນາກ່ຽວກັບວັດທະນະທຳການຈະລາຈອນຢູ່ຕາມຖະໜົນສາຍຕ່າງໆຂອງນະຄອນ ຟານຣາງ-ທາບຈາມ. ນອກຈາກນັ້ນ, ຫົວໜ່ວຍຮ່ວມເດີນທາງກໍ່ແນະນຳການຂັບລົດຢ່າງປອດໄພໃຫ້ແກ່ສະມາຊິກຊາວໜຸ່ມ ແລະຊາວໜຸ່ມ.

leftcenterrightdel
ສະມາຊິກຊາວໜຸ່ມ, ຊາວໜຸ່ມແຂວງນິງທ້ວນ ເຂົ້າຮ່ວມການເດີນຂະບວນເພື່ອໂຄສະນາກ່ຽວກັບວັດທະນະທຳການຈະລາຈອນ. ພາບ: qdnd.vn

ໃນວັນດຽວກັນ ໄດ້ດໍາເນີນງານແຂ່ງຂັນ “ຊາວໜຸ່ມ ກັບວັດທະນະທຳການຈະລາຈອນ” ປີ 2024 ດ້ວຍການເຂົ້າຮ່ວມຂອງ 5 ທີມ, ຄື: ທະຫານເຂດ 5, ເຫຼົ່າທັບປ້ອງກັນອາກາດ-ທະຫານອາກາດ, ເຫຼົ່າຮົບຕີພິເສດ, ເຫຼົ່າຮົບຊ່າງແສງ ແລະຄະນະຊາວໜຸ່ມແຂວງນິງທ້ວນ. ດ້ວຍການແຂ່ງຂັນ 4 ເນື້ອໃນລວມມີ: ການແນະນຳຕົນເອງ, ຄວາມຮູ້ກ່ຽວກັບກົດໝາຍວ່າດ້ວຍການຈະລາຈອນ ແລະວັດທະນະທຳເມື່ອເຂົ້າຮ່ວມການຈະລາຈອນ, ລະຄອນສັ້ນກ່ຽວກັບວັດທະນະທໍາການຈາລະຈອນ ແລະປາກເກັ່ງກ່ຽວກັບວັດທະນະທຳການສັນຈອນ. ບັນດາທີມໄດ້ມີການກະກຽມຢ່າງຮອບຄອບ, ເຂັ້ມງວດ, ປະຕິບັດລະບຽບການແຂ່ງຂັນຢ່າງເຂັ້ມງວດ; ການແຂ່ງຂັນໄດ້ດໍາເນີນໄປຢ່າງຟົດຟື້ນ, ດຶງດູດຜູ້ຊົມ ແລະໄດ້ສົ່ງສານທີ່ມີຄວາມໝາຍຫຼາຍຢ່າງ.

ໂດຍ: ທູຈາງ