ຫວຽດນາມ ແລະສ.ເກົາຫຼີ ເຊື່ອມຕໍ່ການແລກປ່ຽນສົ່ງອອກສິນຄ້າ

ລາຍການໄດ້ດຶງດູດ, ເຊື່ອມຕໍ່ການພົວພັນການຄ້າເພື່ອສົ່ງອອກສິນຄ້າລະຫວ່າງ 29 ວິສະຫາກິດ ສ.ເກົາຫຼີ ກັບ 73 ວິສາຫະກິດ, ສະຫະກອນໃນເຂດໄຕງວຽນ.

ບັນດາຜູ້ແທນເຂົ້າຮ່ວມກອງປະຊຸມເຊື່ອມຕໍ່ການແລກປ່ຽນການຄ້າເພື່ອນໍາເຂົ້າ-ສົ່ງອອກສິນຄ້າ. ພາບ: qdnd.vn

ກ່າວຄໍາເຫັນໄຂກອງປະຊຸມ, ທ່ານ ເຢືອງກ໊ວກແອງ ຜູ້ອໍານວຍການສູນສົ່ງເສີມການລົງທຶນ, ການຄ້າ ແລະການທ່ອງທ່ຽວແຂວງເລິມດົ່ງ ໄດ້ແບ່ງປັນວ່າ: “ຫວຽດນາມ ແລະສ.ເກົາຫຼີ ແມ່ນສອງປະເທດໄດ້ມີຫຼາຍຈຸດຄ້າຍຄືກັນທາງດ້ານວັດທະນະທໍາ ຍ້ອນວ່າທັງສອງປະເທດລ້ວນແຕ່ຕັ້ງຢູ່ພາກພື້ນອາຊີຕາເວັນອອກ;  ລ້ວນແຕ່ມີພື້ນຖານອາຫານການກິນທີ່ອຸດົມສົມບູນ ແລະຫຼາຍຮູບຫຼາຍແບບ, ດ້ວຍຫຼາຍເຍື່ອງອາຫານພື້ນເມືອງທີ່ໄດ້ນຳໃຊ້ເຂົ້າສານ, ຜັກ ແລະເຄື່ອງປຸງປະເພດຕ່າງໆທີ່ເປັນເອກະລັກສະເພາະ”.

ທີ່ກອງປະຊຸມ, ບັນດາວິສາຫະກິດຫວຽດນາມ ໄດ້ວາງສະແດງຜະລິດຕະພັນທີ່ຫຼາຍຮູບແບບຫຼາຍແບບ. ພາບ: qdnd.vn

ທີ່ກອງປະຊຸມ, ແຕ່ລະກຸ່ມວິສາຫະກິດຫວຽດນາມ ໄດ້ໄປພົບປະ, ແນະນໍາ ແລະແລກປ່ຽນກັບບັນດາວິສາຫະກິດສ.ເກົາຫຼີ ຕາມຮູບການຂອງແຕ່ລະວິສາຫະກິດຫວຽດນາມ ໄດ້ແນະນໍາກ່ຽວກັບວິສາຫະກິດຂອງຕົນ, ລວມມີ: ຜະລິດຕະພັນ, ມາດຕະຖານທີ່ນໍາໃຊ້ເຂົ້າໃນການຜະລິດ, ປຸງແຕ່ງ ແລະຄວາມຕ້ອງການ, ຄວາມສາມາດສະໜອງຜະລິດຕະພັນທີ່ມີຜະລິດຕະພັນແນະນຳແບບຢ່າງຕິດພ້ອມ.

ເຂດວາງສະແດງຜະລິດຕະພັນຂອງບັນດາວິສາຫະກິດ. ພາບ: qdnd.vn

ຜ່ານກອງປະຊຸມຄັ້ງນີ້, ຈະຊ່ວຍໃຫ້ວິສາຫະກິດເຂດໄຕງວຽນ ກໍາແໜ້ນຂໍ້ມູນຂ່າວສານກ່ຽວກັບການຄາດຄະເນສະພາບການ, ການກໍານົດທິດຕາມຄວາມຕ້ອງການຂອງຕະຫຼາດສົ່ງອອກຕື່ມອີກ; ອັບເດດມາດຕະຖານການນຳເຂົ້າຂອງຕະຫຼາດ ສ.ເກົາຫຼີ. ສ່ວນວິສາຫະກິດສ.ເກົາຫຼີ ຈະສາມາດເຂົ້າເຖິງ, ຕີລາຄາຄວາມສາມາດໃນການຜະລິດ, ການສະໜອງຂອງບັນດາວິສາຫະກິດສົ່ງອອກຂອງເຂດໄຕງວຽນ ກໍ່ຄືກໍາໄດ້ສະພາບການພັດທະນາ logistics ຢູ່ບັນດາທ້ອງຖິ່ນ.

ຈາກນັ້ນ ຊ່ວຍໃຫ້ຕະຫຼາດສ່ົງອອກໄດ້ເປີດກວ້າງ ແລະມີລະບົບສະໜອງໃໝ່ໄດ້ສ້າງຕັ້ງຂຶ້ນຕື່ມອີກ, ປະກອບສ່ວນນໍາບັນດາຜະລິດຕະພັນທີ່ເປັນທ່າແຮງຂອງເຂດໄຕງວຽນ ເວົ້າສະເພາະ ແລະຂອງຫວຽດນາມ ເວົ້າລວມ ໄດ້ບືນໄປໄກ ແລະຍືນຍົງກວ່າ.

ໂດຍ: ໄຊນີດາ