ຄ້າຍພັກແລ້ງ ຫວຽດນາມ 2024:
ຊາວໜຸ່ມຫວຽດນາມ ອາໄສຢູ່ຕ່າງປະເທດຊອກຮູ້ວັດທະນະທຳຂອງຊາວເຜົ່າ ຈຳ ແລະມີການກະທຳອັນສູງສົ່ງ ແລະດີງາມ
ກປ.ອອນໄລ - ວັນທີ 25 ກໍລະກົດ, ຊາວໜຸ່ມ, ນັກສຶກສາຫວຽດນາມ ຢູ່ຕ່າງປະເທດໄດ້ມີໂອກາດຊອກຮູ້ວັດທະນະທໍາຂອງຊາວເຜົ່າ ຈໍາ, ມໍລະດົກວັດວາອາຮາມ ຢູ່ແຂວງນິງທ້ວນ ແລະບິ່ງທ້ວນ.
ດ້ວຍຈຸດປະສົງຊອກຮູ້ວັດທະນະທຳທີ່ຫຼາຍຮູບຫຼາຍແບບຂອງຫວຽດນາມ, ຊາວໜຸ່ມ, ນັກສຶກສາຫວຽດນາມ ຢູ່ຕ່າງປະເທດໄດ້ໄປຢ້ຽມຢາມເຂດປູຊະນີຍະສະຖານແຫ່ງຊາດພິເສດ Po Klong Garai ຢູ່ນະຄອນ ຟານຣາງ – ທາບຈ່າມ, ແຂວງ ນິງທ້ວນ.
ຢູ່ທີ່ນີ້, ຊາວໜຸ່ມ, ນັກສຶກສາຫວຽດນາມ ອາໄສຢູ່ຕ່າງປະເທດໄດ້ຊອກຮູ້ໜຶ່ງໃນບັນດາກິດຈະກຳສະຖາປັດຕະຍະກຳທີ່ເປັນເອກະລັກສະເພາະ, ມີຄຸນຄ່າວັດທະນະທຳ, ປະຫວັດສາດເປັນໜ້າເອກອ້າງທະນົງໃຈຂອງຊາວເຜົ່າຈຳ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/07/26/upload_2124/qtrang_26072024_01.jpg?dpi=150&quality=100&w=500) |
ຊາວໜຸ່ມ, ນັກສຶກສາຫວຽດນາມ ອາໄສຢູ່ຕ່າງປະເທດມາຢ້ຽມຢາມບ້ານ ເບົ່າຈຸກ, ເມືອງ ເຟືອກເຢິນ ແລະມອບລົດຖີບ 12 ຄັນ ທີ່ມີມູນຄ່າ 20 ລ້ານດົ່ງ, ໃຫ້ແກ່ເດັກນ້ອຍທີ່ປະສົບກັບຄວາມທຸກຍາກ. ພາບ: ຕວນຫວຽດ. |
ທ້າວ ເຈີ່ນດຶກມິງ, ຊາວຫວຽດນາມ ອາໄຊຢູ່ມາເລເຊຍ ໄດ້ສະແດງຄວາມຈັບໃຈເມື່ອໄດ້ຊອກຮູ້ວັດທະນະທຳທີ່ເປັນເອກະລັກສະເພາະຂອງຊາວເຜົ່າ ຈໍາ. “ຂ້າພະເຈົ້າມັກຊອກຮູ້ພື້ນຖານວັດທະນະທຳທີ່ແຕກຕ່າງກັນ, ແຕ່ວັດທະນະທຳຂອງຊາວຫວຽດນາມ ຍາມໃດກໍ່ສ້າງຄວາມປະທັບໃຈທີ່ສຸດໃຫ້ແກ່ຂ້າພະເຈົ້າ. ປະຈຸບັນຂ້າພະເຈົ້າມາແຫ່ງນີ້, ໄດ້ສຳຜັດກັບແຕ່ລະແຜ່ນຫີນທີ່ກໍ່ສ້າງທາດ, ໄດ້ຮັບຟັງແນະນຳກ່ຽວກັບວັດທະນະທຳຂອງຊາວເຜົ່າຈຳປາ, ຂ້າພະເຈົ້າໄດ້ຮັບເອົາຄວາມຮູ້ໃໝ່ທີ່ມີປະໂຫຍດ ແລະຈັບອົກຈັບໃຈກ່ຽວກັບວັດທະນະທຳທີ່ເປັນເອກະລັກສະເພາະນີ້”.
ດຶກມິງ ກໍ່ແບ່ງປັນວ່າ: “ນີ້ແມ່ນຄັ້ງທຳອິດທີ່ຂ້າພະເຈົ້າໄດ້ຊອກຮູ້ວັດທະນະທຳຈຳປາ. ເມື່ອກັບຄືນມາເລເຊຍ, ຂ້າພະເຈົ້າຈະແນະນຳໃຫ້ເພື່ອນຮູ້ກ່ຽວກັບບັນດາທາດທີ່ໃຫຍ່ໂຕ ແລະສວຍງາມຂອງຫວຽດນາມ ແລະວັດທະນະທຳພິເສດຂອງຊາວເຜົ່າຈຳ”.
ໂດຍ: ຈາງຫງວຽນ