UNESCO ຕີລາຄາສູງວຽກງານອະນຸລັກຮັກສາ ແລະເສີມຂະຫຍາຍມໍລະດົກຂອງຫວຽດນາມ
ກປ.ອອນໄລ - ວັນທີ 24 ກໍລະກົດ, ໃນກອງປະຊຸມ ຄັ້ງທີ 46 ຂອງຄະນະກໍາມະການມໍລະດົກໂລກທີ່ດຳເນີນຢູ່ນະຄອນຫຼວງ New Delhi, ອິນເດຍ, ທ່ານ Vishal V. Sharma ປະທານຄະນະກຳມະການມໍລະດົກໂລກ ໄດ້ຮັບຮອງເອົາຂໍ້ຕົກລົງ, ເຫັນດີເຫັນພ້ອມກັບເນື້ອໃນສະເໜີຂອງຫວຽດນາມ ກ່ຽວກັບທິດທາງ, ວິໄສທັດໃນການຄົ້ນຄວ້າ, ອະນຸລັກຮັກສາ ແລະພັດທະນາມໍລະດົກໂລກເຂດໃຈກາງພະລາຊະວັງແທັງລອງ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/07/26/upload_2122/26072024_th_01.jpg?dpi=150&quality=100&w=500) |
ຄະນະຜູ້ແທນຫວຽດນາມ ເຂົ້າຮ່ວມກອງປະຊຸມຄັ້ງທີ 46 ຂອງຄະນະກໍາມະການມໍລະດົກໂລກ. ພາບ: qdnd.vn |
ຄະນະກຳມະການມໍລະດົກໂລກໄດ້ຮັບຮູ້ ແລະຕີລາຄາສູງບັນດາຜົນງານເຊິ່ງຫວຽດນາມ ບັນລຸໄດ້ໃນວິວັດການປະຕິບັດຄຳໝັ້ນສັນຍາຂອງລັດຖະບານຫວຽດນາມ ນັບແຕ່ເມື່ອມໍລະດົກໄດ້ຮັບການຮັບຮອງໃນປີ 2010 ມາຮອດປະຈຸບັນ.
ທ່ານ ຮ່າກິມງອກ, ປະທານຄະນະກຳມະການແຫ່ງຊາດ UNESCO ຫວຽດນາມ, ຮອງລັດຖະມົນຕີການຕ່າງປະເທດ ຢັ້ງຢືນຄວາມໝາຍສໍາຄັນພິເສດຂອງສໍາເນົາເອກະສານ “ບຸລິມະສິດຂອງທຸກບຸລິມະສິດ”, ທ່ານເນັ້ນໜັກວ່າ ບັນດາສະມາຊິກຄະນະກຳມະການມໍລະດົກໂລກ ຕີລາຄາສູງຈິດໃຈຮຽນຮູ້ຢ່າງຈິງຈັງ, ມີຄວາມຮັບຜິດຊອບຂອງຫວຽດນາມ ໃນການຮ່ວມມື, ຮ່ວມເດີນທາງກັບສູນມໍລະດົກໂລກ, ICOMOS, ເພື່ອປະຕິບັດຄວາມມຸ່ງຫວັງຂອງຫວຽດນາມ ໃຫ້ປະກົດຜົນເປັນຈິງບົນພື້ນຖານຮັບປະກັນຖືກຕາມຂໍ້ກຳນົດຂອງສົນທິສັນຍາມໍລະດົກໂລກ, ປະຕິບັດຕາມຄຳໝັ້ນສັນຍາຂອງຫວຽດນາມ, ເສີມຂະຫຍາຍຄຸນຄ່າພົ້ນເດັ່ນຂອງທົ່ວໂລກກ່ຽວກັບມໍລະດົກ.
ທ່ານ Lazare Eloundou Assomo ຜູ້ອໍານວຍການສູນມໍລະດົກໂລກຢັ້ງຢືນວ່າ ສໍາເນົາເອກະສານມີຄວາມໝາຍສຳຄັນບໍ່ພຽງແຕ່ສໍາລັບຫວຽດນາມເທົ່ານັ້ນຫາກຍັງຕໍ່ໂລກອີກດ້ວຍ, ຕິດພັນກັບບັນດາບັນຫາໃໝ່ທີ່ກ່ຽວຂ້ອງເຖິງວິວັດການພັດທະນາມໍລະດົກ; ຖືວ່ານີ້ແມ່ນແບບຢ່າງແຫ່ງການຮ່ວມມືລະຫວ່າງປະເທດສະມາຊິກກັບ UNESCO ແລະອົງການໃຫ້ຄຳປຶກສາທັງແມ່ນແບບຢ່າງທີ່ພົ້ນເດັ່ນຂອງການອະນຸລັກຮັກສາມໍລະດົກໂລກ.
ໂດຍ: ເຈິ່ນຮວ່ຽນ