ກວາງນິງ ຕ້ອນຮັບແຂກທ່ອງທ່ຽວເກືອບ 290.000 ເທື່ອຄົນໃນ 2 ວັນທຳອິດຂອງວັນພັກບຸນ
ກປ.ອອນໄລ - ຕາມພະແນກທ່ອງທ່ຽວແຂວງ ກວາງນິງ ໃຫ້ຮູ້ວ່າ: ໃນ 2 ວັນພັກ ເນື່ອງໃນໂອກາດວັນຊາດ (ວັນທີ 31 ສິງຫາ - ວັນທີ 1 ກັນຍາ), ຈຳນວນແຂກທ່ອງທ່ຽວທີ່ມາທ່ຽວຢູ່ຫຼາຍທ້ອງຖິ່ນຂອງແຂວງ ຄາດວ່າ ບັນລຸ 290.000 ເທື່ອຄົນ.
ໃນນັ້ນ, ແຂກເຂົ້າພັກອາໄສໂຮງແຮມ, ບ້ານພັກ 110.000 ເທື່ອຄົນ; ນັກທ່ອງທ່ຽວສາກົນ 15.000 ເທື່ອຄົນ; ລວມຍອດລາຍຮັບທີ່ໄດ້ຈາກການທ່ອງທ່ຽວທັງໝົດແມ່ນ 652 ຕື້ດົ່ງ, ເທົ່າກັບ 134% ເມື່ອທຽບໃສ່ໄລຍະດຽວກັນຂອງປີ 2023.
ໃນຂະນະນັ້ນ, ໃນຊຸມມື້ທຳອິດຂອງວັນພັກ, ຈຳນວນແຂກທ່ອງທ່ຽວທີ່ມາທ່ຽວຢູ່ຕາມສະຖານທີ່ທ່ອງທ່ຽວແຫ່ງຕ່າງໆຢູ່ກວາງນິງ ຄາດວ່າ ບັນລຸ 128.000 ເທື່ອຄົນ (ບັນລຸ 138% ເມື່ອທຽບໃສ່ມື້ທຳອິດຂອງວັນພັກ ປີ 2023). ຈຳນວນແຂກທີ່ມາພັກອາໄສປະມານ 50.200 ເທື່ອຄົນ; ແຂກທ່ອງທ່ຽວສາກົນ 7.800 ເທື່ອຄົນ, ສ້າງລາຍຮັບໄດ້ 282 ຕື້ດົ່ງ, ເທົ່າກັບ 137% ເມື່ອທຽບໃສ່ໄລຍະດຽວກັນຂອງປີ 2023.
    |
 |
|
ກວາງນິງ ຕ້ອນຮັບແຂກທ່ອງທ່ຽວເກືອບ 290.000 ເທື່ອຄົນໃນ 2 ວັນທຳອິດຂອງວັນພັກບຸນ. ພາບ: baoquangninh.vn |
ໃນວັນທີ 1 ກັນຍາ, ການທ່ອງທ່ຽວ ກວາງນິງ ສືບຕໍ່ຕ້ອນຮັບບັນດາກຸ່ມທ່ອງທ່ຽວໃຫຍ່ ຄື: ກຸ່ມ MICE ຂອງບໍລິສັດທ່ອງທ່ຽວ ແຈຫວຽດ ມີແຂກທ່ອງທ່ຽວ 1.000 ກວ່າຄົນ; ກຸ່ມນັກທ່ອງທ່ຽວອິນເດຍ ມີ 738 ຄົນ... ຈຳນວນແຂກທ່ອງທ່ຽວ ທີ່ມາທ່ຽວ ຄາດວ່າປະມານ 161.000 ເທື່ອຄົນ, ເພີ່ມຂຶ້ນ 115% ເມື່ອທຽບໃສ່ໄລຍະດຽວກັນຂອງປີ 2023. ໃນນັ້ນ, ຈຳນວນແຂກທີ່ມາພັກອາໄສຢູ່ໂຮງແຮມປະມານ 60.000 ເທື່ອຄົນ, ນັກທ່ອງທ່ຽວສາກົນ 7.388 ເທື່ອຄົນ. ລວມຍອດລາຍຮັບທີ່ໄດ້ຈາກການທ່ອງທ່ຽວຄາດວ່າບັນລຸ 370 ຕື້ດົ່ງ.
ໃນໄລຍະວັນພັກ, ຢູ່ນະຄອນ ຮະລອງ ແລະບັນດາທ້ອງຖິ່ນຕ່າງໆຂອງແຂວງ ກວາງນິງ ໄດ້ດໍາເນີນບັນດາເຫດການວັດທະນະທຳ ແລະກິລາ ຊ່ວຍໃຫ້ແຂກທ່ອງທ່ຽວໄດ້ເຂົ້າຮ່ວມຄົ້ນຫາສິ່ງທີ່ໜ້າຈັບອົກຈັບໃຈ. ບັນດາເຫດການດັ່ງກ່າວແມ່ນຂົວຕໍ່, ເສີມຂະຫຍາຍຄຸນຄ່າການທ່ອງທ່ຽວ, ນຳຮູບພາບ, ຜະລິດຕະພັນທີ່ອຸດົມສົມບູນ, ດຶງດູດໃຈ ແລະເປັນເອກະລັກສະເພາະຂອງແຂວງ ກວາງນິງ ມາຍັງເພື່ອນມິດພາຍໃນ ແລະຕ່າງປະເທດ.
ໃນນັ້ນ, ບັນດາຈຸດພົ້ນເດັ່ນແມ່ນງານບຸນເຮືອໃບ, ໂດດຈ້ອງເວີ່ນເວຫາ ແລະຂີ່ລົດຈັກນ້ຳ ດ້ວຍຫົວຂໍ້ “ໂຕ້ຄື້ນຮະລອງ - 2024”, ງານບຸນບອນລູນ “ນະຄອນມໍລະດົກ - ສີສັນຮະລອງ”, ງານຕະຫຼາດນັດ OCOP ເຂດຕາເວັນອອກສ່ຽງເໜືອ - ກວາງນິງ 2024...
ໂດຍ: ທະນາພອນ