ເສດຖະກິດຫວຽດນາມ ຜ່ານມູມມອງຂອງສາກົນ: ຈຸດພົ້ນເດັ່ນຈາກນະໂຍບາຍບໍລິຫານທີ່ມີປະສິດທິຜົນ
ກປ.ອອນໄລ - ທ່ານ ຫງວຽນບ໊າຮຸ່ງ ນັກຊ່ຽວຊານດ້ານເສດຖະກິດຂອງ ADB ຖືວ່າ ໃນເຄິ່ງທ້າຍປີນີ້ ຈະປະສົບກັບຄວາມຫຍຸ້ງຍາກກວ່າເມື່ອທຽບໃສ່ໃນເຄິ່ງຕົ້ນປີ.
ທ່ານ Shantanu Chakraborty ຜູ້ອຳນວຍການທະນາຄານພັດທະນາອາຊີ (ADB) ປະຈຳຫວຽດນາມ ຖືວ່າ ໃນ 6 ເດືອນຕົ້ນປີນີ້, ເສດຖະກິດຫວຽດນາມ ໄດ້ສ້າງຄວາມປະທັບໃຈຫຼາຍດ້ວຍລະດັບການເຕີບໂຕ GDP ບັນລຸ 6,4% ເມື່ອທຽບໃສ່ໄລຍະດຽວກັນຂອງປີກາຍ. ໃນສະພາບການເສດຖະກິດໂລກປະສົບກັບຄວາມຫຍຸ້ງຍາກ, ພື້ນຖານເສດຖະກິດຫວຽດນາມ ຍັງມີການເຕີບໂຕສູງ, ຍ້ອນມີບັນດານະໂຍບາຍທີ່ເປັນເຈົ້າການ, ມີໄຫວພິບ ແລະຖືກຕ້ອງ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/07/23/upload_2124/qtrang23072024_02.jpg?dpi=150&quality=100&w=500) |
ພາບປະກອບຈາກສໍານັກຂ່າວສານຫວຽດນາມ. |
ເສດຖະກິດເຕີບໂຕຕົ້ນຕໍແມ່ນອີງໃສ່ການຟື້ນຕົວຢ່າງແຂງແຮງຂອງຂົງເຂດການຄ້າ, ໃນນັ້ນການສົ່ງອອກເພີ່ມຂຶ້ນ 14,5% ແລະການນໍາເຂົ້າເພີ່ມຂຶ້ນ 17% ເມື່ອທຽບໃສ່ໄລຍະດຽວກັນຂອງປີກາຍ. ທ່ານ Shantanu Chakraborty ຖືວ່າ ການເຕີບໂຕໃນປີ 2024 ຍັງຂຶ້ນກັບການປະຕິບັດມາດຕະການປີການເງິນ ແລະການລົງທຶນພາກລັດຂອງລັດຖະບານຢ່າງມີປະສິດທິຜົນ.
ເບິ່ງລວມທັງປີ 2024, ທ່ານ ຫງວຽນບ໊າຮຸ່ງ, ນັກຊ່ຽວຊານດ້ານເສດຖະກິດຂອງ ADB ໃຫ້ຮູ້ວ່າ ໃນເຄິ່ງທ້າຍປີນີ້ ຈະປະສົບກັບຄວາມຫຍຸ້ງຍາກກວ່າເມື່ອທຽບໃສ່ໃນເຄິ່ງຕົ້ນປີ, ສ່ວນໜຶ່ງແມ່ນຍ້ອນດັດຊະນີການເຕີບໂຕໃນ 6 ເດືອນຕົ້ນປີນີ້ໄດ້ຮັບຜົນປະໂຫຍດຈາກຈຸດເລີ່ມຕົ້ນຕໍ່າຂອງເຄິ່ງຕົ້ນປີ 2023.
ເຖິງຢ່າງໃດກໍ່ຕາມ, ADB ຍັງສືບຕໍ່ຮັກສາທັດສະນະທີ່ປະເອີບໃຈວ່າ ການເຕີບໂຕຈະໄດ້ຮັບການຊຸກຍູ້ຢ່າງແຂງແຮງຈາກການລົງທຶນພາກລັດ, ບັນດາປັດໄຈຄື: ການກັບມາຟື້ນຕົວຂອງຂົງເຂດການບໍລິການ, ການຜະລິດກະສິກຳທີ່ໝັ້ນຄົງ, ການບໍລິໂພກພາຍໃນປະເທດ.
ໂດຍ: ຈາງຫງວຽນ