    |
 |
|
ບັນດາຜູ້ແທນເຂົ້າຮ່ວມພິທີເປີດຊຸດຝຶກອົບຮົມ. ພາບ: nhandan.vn |
ກ່າວຄໍາເຫັນເປີດຊຸດຝຶກອົບຮົມ, ທ່ານນາງ ຫງວຽນທິຕວ໊ຽນ ກໍາມະການສູນກາງພັກ, ຮອງເລຂາຜູ້ປະຈໍາການຄະນະພັກນະຄອນຮ່າໂນ້ຍ ໃຫ້ຮູ້ວ່າ ໃນໄລຍະຜ່ານມາ, ໂດຍເຊື່ອມຊຶມ ແລະເສີມຂະຫຍາຍນໍ້າໃຈອ້າຍນ້ອງ, ນໍ້າໃຈເພື່ອນມິດສະຫາຍລະຫວ່າງສອງພັກ, ສອງລັດ, ສອງຊາດຫວຽດນາມ-ລາວ, ອົງຄະນະພັກ, ອໍານາດການປົກຄອງ ແລະປະຊາຊົນນະຄອນຫຼວງຮ່າໂນ້ຍ-ວຽງຈັນ ຍາມໃດກໍ່ເຄົາລົບມູນເຊື້ອມິດຕະພາບ, ມານະພະຍາຍາມ ຢ່າງບໍ່ຢຸດຢັ້ງ, ພັດທະນາການພົວພັນຮ່ວມມືສອງຝ່າຍຢ່າງຮອບດ້ານໃນທຸກຂົງເຂດ.
ໃນການຢ້ຽມຢາມ ແລະເຮັດວຽກຢູ່ລາວໃນລະຫວ່າງວັນທີ 11-12 ມີນາ ຂອງຄະນະຜູ້ແທນຂັ້ນສູງນະຄອນຮ່າໂນ້ຍ, ສອງຝ່າຍໄດ້ລົງນາມໃນເອກະສານຮ່ວມມື 8 ສະບັບ ແລະຜັນຂະຫຍາຍຢ່າງມີປະສິດທິຜົນ, ປະກອບສ່ວນ ຊຸກຍູ້ການຮ່ວມມື ດ້ານການເມືອງ, ເສດຖະກິດ, ວັດທະນະທໍາ-ສັງຄົມລະຫວ່າງຮ່າໂນ້ຍ-ວຽງຈັນ ໃຫ້ນັບມື້ນັບຮອບດ້ານ.
|
|
 |
|
ບັນດາສໍາມະນາກອນເຂົ້າຮ່ວມຊຸດຝຶກອົບຮົມ. ພາບ: nhandan.vn |
ສໍາລັບເນື້ອໃນບໍາລຸງກຳສ້າງ, ນີ້ແມ່ນຄັ້ງທໍາອິດທີ່ຄະນະພັກນະຄອນຮ່າໂນ້ຍ ໄດ້ເປີດຊຸດບໍາລຸງກໍ່ສ້າງໃຫ້ພະນັກງານນະຄອນຫຼວງວຽງຈັນ, ລາວ.
ຕາມນັ້ນແລ້ວ, ວັນທີ 9 ເມສາ 2024, ຄະນະປະຈໍາຄະນະພັກນະຄອນຮ່າໂນ້ຍ ໄດ້ປະກາດແຜນການດີຈີຕອນເລກທີ 230-KH/TU ແລະຂໍ້ຕົກລົງຕ່າງໆຈັດຕັ້ງສອງຊຸດບໍາລຸງກໍ່ສ້າງໃຫ້ພະນັກງານນະຄອນຫຼວງວຽງຈັນ (62 ສະຫາຍລວມມີສໍາມະນາກອນ 55 ຄົນ, ພະນັກງານຄຸ້ມຄອງ 7 ຄົນ). ໃນນັ້ນ ຊຸດທີ 1 ແມ່ນສໍາລັບສໍາມະນາກອນກຸ່ມພັກ, ອົງການຈັດຕັ້ງມະຫາຊົນ ແລະຊຸດທີ 2 ແມ່ນສໍາລັບສໍາມະນາກອນກຸ່ມອໍານາດການປົກຄອງ.
ທ່ານນາງ ຫງວຽນທິຕວ໊ຽນ ໃຫ້ຮູ້ວ່າ ຈຸດປະສົງຂອງຊຸດຝຶກອົບຮົມແມ່ນຊ່ວຍໃຫ້ພະນັກງານນະຄອນຫຼວງວຽງຈັນ ເພີ່ມທະວີການຄົ້ນຄວ້າ, ຊອກຮູ້ກ່ຽວກັບບົດຮຽນໃນວຽກງານກໍ່ສ້າງພັກ ແລະລະບົບການເມືອງປອດໃສ, ໝັ້ນຄົງເຂັ້ມແຂງ; ອັບເດດ, ເພີ່ມເຕີມຄວາມຮູ້ໃໝ່, ທັກສະໃນການຊີ້ນໍາ, ນໍາພາ, ຄຸ້ມຄອງ.
ຍ້ອນລັກສະນະ ແລະຄວາມສໍາຄັນຂອງຊຸດບຳລຸງກໍ່ສ້າງ, ຄະນະພັກນະຄອນຮ່າໂນ້ຍ ໄດ້ຊີ້ນໍາກະກຽມທຸກດ້ານຢ່າງລອບຄອບຖີ່ຖ້ວນ, ໃນນັ້ນ ເອົາໃຈໃສ່ຈັດວາງ, ສ້າງເງື່ອນໄຂສະດວກທີ່ສຸດເພື່ອຈັດຕັ້ງຊຸດບໍາລຸງກໍ່ສ້າງ, ເຊີນນັກປາຖະກະຖາຂັ້ນສູນກາງ, ເຊິ່ງແມ່ນນັກຊ່ຽວຊານ, ນັກວິທະຍາສາດທີ່ມີອິດທິພົນຊື່ສຽງ, ລະດັບວິຊາການສູງ, ມີວິທີສິດສອນທີ່ດີເຂົ້າຮ່ວມບັນດາຫົວເລື່ອງສະເພາະ. ພິເສດ, ເຊີນນັກປາຖະກະຖາແມ່ນການນໍານະຄອນທີ່ມີຄວາມຮູ້, ມີບົດຮຽນປະສົບການຕົວຈິງເຂົ້າຮ່ວມຊີ້ນໍາການຮຽບຮຽງເນື້ອໃນ; ບົດລາຍງານ, ແລກປ່ຽນຫົວເລື່ອງກ່ຽວກັບບົດຮຽນຕົວຈິງຂອງນະຄອນ.
ໂດຍ: ໄຊນີດາ