ປຸກລະດົມການປະກວດວິຈານດ້ານການເມືອງກ່ຽວກັບການປົກປັກຮັກສາພື້ນຖານແນວຄິດຂອງພັກຄັ້ງທີ 3
ກປ.ອອນໄລ - ຕອນເຊົ້າວັນທີ 1 ກຸມພາ, ຢູ່ຮ່າໂນ້ຍ, ສະຖາບັນການເມືອງແຫ່ງຊາດໂຮ່ຈີມິນ ສົມທົບກັບຄະນະໂຄສະນາສຶກສາສູນກາງ, ສະພາທິດສະດີສູນກາງ, ວາລະສານກອມມູນິດ, ໜັງສືພິມປະຊາຊົນ, ສະຖານີໂທລະພາບຫວຽດນາມ ແລະສະມາຄົມນັກຂ່າວຫວຽດນາມ ຈັດກອງປະຊຸມຂ່າວປຸກລະດົມການປະກວດວິຈານດ້ານການເມືອງກ່ຽວກັບການປົກປັກຮັກສາພື້ນຖານແນວຄິດຂອງພັກ, ການຕໍ່ສູ້ປະຕິເສດທັດສະນະຜິດພາດ, ເປັນປໍລະປັກຄັ້ງທີ 3. ທ່ານ ຫງວຽຊວນຖັ໊ງ, ກໍາມະການກົມການເມືອງ, ຫົວໜ້າສະຖາບັນການເມືອງແຫ່ງຊາດໂຮ່ຈີມິນ, ປະທານສະພາທິດສະດີສູນກາງ, ຮອງຫົວໜ້າຄະນະຊີ້ນໍາ 35 ສູນກາງເປັນປະທານກອງປະຊຸມຂ່າວ.
|
|
ບັນຍາກາດທີ່ກອງປະຊຸມຂ່າວ. ພາບ: qdnd.vn |
ຜູ້ເຂົ້າຮ່ວມການປະກວດແມ່ນຊາວຫວຽດນາມ ແລະຊາວຕ່າງປະເທດ. ສໍາລັບປະເພດບົດຂຽນ, ຜູ້ຂຽນ/ກຸ່ມຜູ້ຂຽນສາມາດສົ່ງຫຼາຍສຸດ 2 ບົດ: 1 ບົດຂຽນແບບວາລະສານ (ວາລະສານພິມ ຫຼື ວາລະສານເອເລັກໂຕນິກ) ແລະ 1 ບົດແມ່ນປະເພດວາລະສານ (ວາລະສານພິມ ຫຼືວາລະສານເອເລັກໂຕນິກ). ສຳລັບບົດປະພັນກະຈາຍສຽງ, ໂທລະພາບ, ຜູ້ຂຽນ/ກຸ່ມຜູ້ຂຽນສາມາດສົ່ງຫຼາຍສຸດ 3 ບົດ: 1 ບົດກະຈາຍສຽງ, 1 ບົດໂທລະພາບ, 1 ບົດວິດີໂອ ຄລິບ. ບົດປະພັນເຂົ້າຮ່ວມການປະກວດແມ່ນບົດໃໝ່, ຍັງບໍ່ທັນປະກາດທາງສື່ສິ່ງພິມ, ສື່ສານໂຄສະນາ. ຫົວຂໍ້ແມ່ນສຸມໃສ່ເຂົ້າໃນບັນດາບັນຫາພື້ນຖານ, ຈຸດສຸມກ່ຽວກັບການປົກປັກຮັກສາພື້ນຖານແນວຄິດຂອງພັກ, ການຕໍ່ສູ້ປະຕິເສດທັດສະນະຜິດພາດ, ເປັນປໍລະປັກໃນປະຈຸບັນ.
ຄະນະຈັດຕັ້ງຈະຮັບບົດເຂົ້າຮ່ວມການປະກວດເຖິງວັນທີ 31 ກໍລະກົດ 2023 (ຕາມກະໝາຍໄປສະນີບ່ອນຝາກ). ພິທີປະກາດ ແລະມອບລາງວັນຈະຈັດຂຶ້ນໃນເດືອນ ຕຸລາ 2023.
ໂດຍ: ທະນາພອນ