Viettel ໃກ້ຈະສະແດງກຳລັງຄວາມສາມາດດ້ານອຸດສາຫະກຳປ້ອງກັນຊາດຢູ່ມາເລເຊຍ
ກປ.ອອນໄລ - ວັນທີ 3 ພຶດສະພາ, ບໍລິສັດໃຫຍ່ອຸດສາຫະກໍາ ເຕັກໂນໂລຢີສູງ Viettel (Viettel High Tech-VHT) ຂຶ້ນກັບກຸ່ມບໍລິສັດອຸດສາຫະກໍາ-ໂທລະຄົມມະນາຄົມກອງທັບ (Viettel) ໃຫ້ຮູ້ວ່າ:
|
|
Viettel ໃກ້ຈະສະແດງກຳລັງຄວາມສາມາດດ້ານອຸດສາຫະກຳປ້ອງກັນຊາດຢູ່ມາເລເຊຍ. ພາບ: qdnd.vn |
ແຕ່ວັນທີ 6 – 9 ພຶດສະພາ, VHT ຈະຕາງໜ້າໃຫ້ Viettel ເຂົ້າຮ່ວມກອງປະຊຸມປ້ອງກັນຊາດອາຊີ (DSA) 2024 ແລະກອງປະຊຸມປ້ອງກັນຄວາມສະຫງົບແຫ່ງຊາດອາຊີ 2024 (NATSEC) ຢູ່ມາເລເຊຍ. DSA ແລະ NATSEC 2024 ສັງກັດທອັບ 5 ງານວາງສະແດງດ້ານປ້ອງກັນຊາດ ແລະປ້ອງກັນຄວາມສະຫງົບໃຫຍ່ທີ່ສຸດໃນໂລກ. ເຫດການປີນີ້ມີການເຂົ້າຮ່ວມຂອງວິສາຫະກິດ 1.200 ກວ່າແຫ່ງທີ່ມາຈາກ 60 ປະເທດ, ຄາດວ່າຈະດຶງດູດແຂກເຂົ້າຮ່ວມ 50.000 ກວ່າຄົນ. ທີ່ເຫດການຄັ້ງນີ້, VHT ບໍ່ພຽງແຕ່ແນະນຳລະບົບຜະລິດຕະພັນການທະຫານທີ່ກ້າວໜ້າເທົ່ານັ້ນ, ຫາກຍັງວາງສະແດງອົງປະກອບໂມດູນ, ສ່ອງແສງໃຫ້ເຫັນກຳລັງຄວາມສາມາດດ້ານການຄົ້ນຄວ້າ, ເປັນເຈົ້າຂອງເຕັກໂນໂລຢີແກ່ນສານ ແລະອອກແບບແຕ່ລະ ອົງປະກອບຂອງຜະລິດຕະພັນ. ຮ້ານຄ້າຂອງ Viettel ຕັ້ງຢູ່ຫ້ອງທີ່ 8360, Hall 8, ຊັ້ນ 2, ສູນວາງສະແດງ ແລະການຄ້າສາກົນມາເລເຊຍຢູ່ນະຄອນຫຼວງກົວລາລຳເປີ, ປະເທດມາເລເຊຍ.
ໂດຍ: ທະນາພອນ