ຫຼາຍຜະລິດຕະພັນເຕັກໂນໂລຢີຂ້ໍມູນຂ່າວສານຮັບໃຊ້ລັດຖະບານເອເລັກໂຕນິກຂອງຫວຽດນາມ ບັນລຸລະດັບສາກົນ
ກປ.ອອນໄລ - ດ້ວຍ 26 ໜ້າທີ່ທີ່ໄດ້ປະຕິບັດ, ໂຄງການວິທະຍາສາດ ແລະເຕັກໂນໂລຢີລະດັບຊາດ ໄລຍະ 2016-2020 “ຄົ້ນຄວ້າເຕັກໂນໂລຢີ ແລະພັດທະນາຜະລິດຕະພັນເຕັກໂນໂລຢີຂໍ້ມູນຂ່າວສານຮັບໃຊ້ລັດຖະບານເອເລັກໂຕນິກ” (KC.01/16-20), ໄດ້ເປັນເຈົ້າຂອງຫຼາຍເຕັກໂນໂລຢີ, ຜະລິດບາງຜະລິດຕະພັນຮາດແວ, ຊ໊ອບແວເພື່ອຕອບສະໜອງຄວາມຕ້ອງການພັດທະນາ ແລະປະຕິບັດສໍາເລັດໂຄງລ່າງເຕັກໂນໂລຢີຂໍ້ມູນຂ່າວສານ, ໃນນັ້ນມີບາງຜະລິດຕະພັນບັນລຸລະດັບກ້າວໜ້າໃນພາກພື້ນ ແລະໂລກ.
ນີ້ແມ່ນຂໍ້ມູນທີ່ໄດ້ຍົກອອກຢູ່ກອງປະຊຸມສະຫຼຸບໂຄງການ “ຄົ້ນຄວ້າເຕັກໂນໂລຢີ ແລະພັດທະນາຜະລິດຕະພັນເຕັກໂນໂລຢີຂໍ້ມູນຂ່າວສານຮັບໃຊ້ລັດຖະບານເອເລັກໂຕນິກ” ເຊິ່ງໄດ້ຈັດຕັ້ງໃນຕອນເຊົ້າວັນທີ 16 ຕຸລາ, ທີ່ຮ່າໂນ້ຍ.
|
|
ບັນຍາກາດທີ່ກອງປະຊຸມ. ພາບ: vov.vn. |
ທ່ານ ຮສຈ.ປອ ຮວີ່ງກວຽດຖັ໊ງ ຫົວໜ້າໂຄງການໃຫ້ຮູ້ວ່າ ໂຄງການຊ່ວຍໃຫ້ບັນດາກະຊວງ, ຂະແໜງການຍູ້ແຮງ, ຍູ້ໄວວິວັດການຜັນຂະຫຍາຍລັດຖະບານເອເລັກໂຕນິກ ແລະພະຍາດໂຄວິດ-19 ປຽບເໝືອນດັ່ງທາດສົ່ງເສີມຍູ້ວິວັດການນີ້ໃຫ້ໄວກວ່າ...”.
ທີ່ກອງປະຊຸມ, ທ່ານ ເຈີ່ນວັນຕຸ່ງ ຮອງລັດຖະມົນຕີກະຊວງວິທະຍາສາດ ແລະເຕັກໂນໂລຢີ ເນັ້ນໜັກວ່າ ໃນໄລຍະຈະມາເຖິງ, ແມ່ນຕ້ອງການການເຂົ້າຮ່ວມຂອງບັນດາກະຊວງ, ຂະແໜງການ, ທ້ອງຖິ່ນ, ນັກຊ່ຽວຊານ-ນັກວິທະຍາສາດ, ວິສາຫະກິດຫຼາຍທີ່ສຸດ ເພື່ອເຄື່ອນໄຫວໃນຂົງເຂດທີ່ກ່ຽວຂ້ອງໃນການຜັນຂະຫຍາຍໜ້າທີ່/ໂຄງການ, ຈາກນັ້ນແມ່ນຮັບໃຊ້ໃຫ້ແກ່ການພັດທະນາລັດຖະບານເອເລັກໂຕນິກ ແລະສ້າງຕົວເມືອງອັດສະລິຍະຢູ່ຫວຽດນາມ.
ໂດຍ: ເກື່ອງດັ້ງ