ວັກຊິນກັນໂຄວິດ-19 ຂອງ AstraZeneca ຕື່ມອີກ 1,2 ລ້ານໂດສ ໄດ້ມາຮອດຫວຽດນາມ
ກປ.ອອນໄລ - ປະຈຸບັນ, ວັກຊິນກວ່າ 3,1 ລ້ານໂດສ ໃນສັນຍານີ້ທີ່ໄດ້ສົ່ງມາຫວຽດນາມ ແລ້ວ, ທຽບກັບປະມານ 37% ຈຳນວນວັກຊິນກັນໂຄວິດ-19 ຂອງ AstraZeneca ທັງໝົດທີ່ຈະນຳເຂົ້າຫວຽດນາມ...
ຕອນເຊົ້າວັນທີ 23 ກໍລະກົດ, ວັກຊິນກັນໂຄວິດ-19 ຂອງ AstraZeneca ຕື່ມອີກ 1.228.500 ໂດສ ໄດ້ສົ່ງມານະຄອນໂຮ່ຈີມິນ. ນີ້ແມ່ນການມອບຮັບວັກຊິນຄັ້ງທີ 5 ແລະກໍ່ແມ່ນຈຳນວນວັກຊິນຫຼາຍທີ່ສຸດນັບແຕ່ກ່ອນມາຮອດປະຈຸບັນໃນສັນຍາສັ່ງຊື້ລະຫວ່າງ AstraZeneca ຫວຽດນາມ ແລະບໍລິສັດຫຸ້ນສ່ວນວັກຊິນຫວຽດນາມ VNVC, ພາຍໃຕ້ການໜູນຊ່ວຍຂອງກະຊວງສາທາລະນະສຸກຫວຽດນາມ.
|
|
ວັກຊິນກັນໂຄວິດ-19 1.228.500 ໂດສ ໂດຍ AstraZeneca ສົ່ງມານະຄອນໂຮ່ຈີມິນ ໃນຕອນເຊົ້າວັນທີ 23 ກໍລະກົດ. ພາບ: vnvc.vn. |
ປະຈຸບັນ, ວັກຊິນກວ່າ 3,1 ລ້ານໂດສ ໃນສັນຍານີ້ໄດ້ສົ່ງມາຫວຽດນາມ ແລ້ວ, ທຽບກັບປະມານ 37% ຈຳນວນວັກຊິນກັນໂຄວິດ-19 ຂອງ AstraZeneca ທັງໝົດທີ່ຈະນຳເຂົ້າຫວຽດນາມ. ຈໍານວນທີ່ຍັງເຫຼືອແມ່ນມາຈາກໂຄງການໂຄແວັກ ແລະຊ່ວຍເຫຼືອສອງຝ່າຍລະຫວ່າງລັດຖະບານປະເທດຕ່າງໆ.
ໂດຍ: ເຈິ່ນຮວ່ຽນ