ເປັນເຈົ້າການຮັບມືກັບພາຍຸ Saudel ແລະແກ້ໄຂຜົນຮ້າຍຢ້ອນຫຼັງຈາກໄພພິບັດທາງທໍາມະຊາດຢູ່ພາກກາງ ຢ່າງຮີບດ່ວນ
ກປ.ອອນໄລ - ຕອນເຊົ້າວັນທີ 21 ຕຸລາ, ຢູ່ຮ່າໂນ້ຍ, ທ່ານ ຈິ້ງດິ່ງຢຸງ ຮອງນາຍົກລັດຖະມົນຕີ, ຫົວໜ້າຄະນະຊີ້ນຳສູນກາງກ່ຽວກັບການປ້ອງກັນ, ຕ້ານໄພທໍາມະຊາດ, ປະທານຄະນະກຳມະການແຫ່ງຊາດກ່ຽວກັບການຮັບມືກັບອຸບັດເຫດ, ໄພທໍາມະຊາດ ແລະຊອກຫາກູ້ໄພກູ້ຊີບ, ໄດ້ເປັນປະທານກອງປະຊຸມຜັນຂະຫຍາຍມາດຕະການຮັບມືກັບພາຍຸ Saudel ແລະແກ້ໄຂຄວາມເສຍຫາຍ, ກູ້ໄພກູ້ຊີບຢູ່ພາກກາງຢ່າງຮີບດ່ວນ.
ຕາມສູນອຸຕຸນິຍົມ-ອຸທົກກະສາດແຫ່ງຊາດ, ຕອນເຊົ້າວັນທີ 21 ຕຸລາ, ພາຍຸ Saudel ໄດ້ພັດມາຮອດເຂດທະເລຕາເວັນອອກ, ຫ່າງຈາກໝູ່ເກາະຮວ່າງຊາ ປະມານ 680 ກິໂລແມັດ. ຄາດຄະເນວ່າພາຍຸຈະສົ່ງຜົນສະທ້ອນໂດຍກົງເຖິງເຂດດິນຕໍ່ແຜ່ນຫວຽດນາມ ແຕ່ຄືນວັນທີ 24 ຕຸລາ ຫາວັນທີ 25 ຕຸລາ.
    |
 |
|
ທ່ານ ຈິ້ງດິ່ງຢຸງ ຮອງນາຍົກລັດຖະມົນຕີຫວຽດນາມ ກ່າວຄໍາເຫັນຊີ້ນໍາທີ່ກອງປະຊຸມ. ພາບ: ເຍິດບັ໊ກ. |
ທ່ານ ຈິ້ງດິ່ງຢຸງ ຮຽກຮ້ອງໜ້າທີ່ສໍາຄັນທີ່ສຸດແມ່ນສຸມໃສ່ຊ່ວຍເຫຼືອປະຊາຊົນກ່ຽວກັບສະບຽງອາຫານ, ນໍ້າດື່ມ, ເຄື່ອງໃຊ້ທີ່ຈຳເປັນ. ພ້ອມທັງຮຽກຮ້ອງໃຫ້ຄະນະຊີ້ນຳສູນກາງ ແລະຄະນະກຳມະການແຫ່ງຊາດກ່ຽວກັບການຮັບມືກັບອຸບັດເຫດ, ໄພທໍາມະຊາດ ແລະຊອກຫາກູ້ໄພກູ້ຊີບ ສາມາດສົ່ງເຮືອກາໂນ, ຍົນເອລີກົບແຕເພື່ອຊ່ວຍເຫຼືອ, ກູ້ໄພກູ້ຊີບຢ່າງມີປະສິດທິຜົນ.
ກ່ຽວກັບການຮັບມືກັບພາຍຸ Saudel, ທ່ານ ຈິ້ງດິ່ງຢຸງ ຮຽກຮ້ອງຕ້ອງຮັບປະກັນຄວາມປອດໄພຢູ່ທະເລ ແລະເຂດດິນຕໍ່ແຜ່ນ, ສ້າງແຜນການຮັບມືກັບພາຍຸ, ຍົກຍ້າຍປະຊາຊົນໄປເຖິງເຂດປອດໄພ, ກວດກາເຂື່ອນເກັບນ້ຳທັງໝົດ.
ໂດຍ: ກວຽດເຕິມ