ພິທີປະກາດການສົ່ງອອກເຂົ້າສານຫອມງວດທຳອິດໄປຍັງເອີຣົບ
ກປ.ອອນໄລ - ຕອນເຊົ້າວັນທີ 22 ກັນຍາ, ຢູ່ແຂວງອານຢາງ, ກະຊວງກະສິກຳ ແລະພັດທະນາຊົນນະບົດຫວຽດນາມ ສົມທົບກັບຄະນະກຳມະການປະຊາຊົນແຂວງອານຢາງ ໄດ້ຈັດຕັ້ງພິທີປະກາດການສົ່ງອອກເຂົ້າສານຫອມງວດທຳອິດໄປຍັງເອີຣົບ ຕາມສັນຍາການຄ້າເສລີຫວຽດນາມ-ອີຢູ (EVFTA).
ເຂົ້າສານງວດທຳອິດໄດ້ສົ່ງອອກໄປຍັງເອີຣົບ ຂອງກຸ່ມບໍລິສັດລົ້ກເຈິ່ຍ, ດ້ວຍຈຳນວນເຂົ້າສານເກືອບ 130 ໂຕນຈະສົ່ງໄປຍັງຕະຫຼາດເອີຣົບ ຢ່າງເປັນທາງການໃນທ້າຍເດືອນ ກັນຍາ ນີ້.
|
|
ພິທີປະກາດການສົ່ງອອກເຂົ້າສານຫອມງວດທຳອິດໄປຍັງເອີຣົບ. ພາບ: vov.vn. |
ຕາມທ່ານ ຮວິ່ງວັນທ່ອນ, ປະທານສະພາບໍລິຫານກຸ່ມບໍລິສັດລົ້ກເຈິ່ຍ ແລ້ວ, ລະດັບພາສີບຸລິມະສິດຂອງ EVFTA ຈະແມ່ນທ່າແຮງໃນການແກ່ງແຍ້ງໃຫຍ່ກ່ຽວກັບການສົ່ງອອກຜະລິດຕະພັນກະເສດເວົ້າລວມ ແລະຜະລິດຕະພັນເຂົ້າສານເວົ້າສະເພາະຢູ່ອີຢູ: “ເລື່ອງສົ່ງອອກເຂົ້າສານຫອມງວດທຳອິດໄປຍັງເອີຣົບ ສະແດງໃຫ້ເຫັນວ່າ ຊາວກະສິກອນ ແລະບັນດາວິສາຫະກິດຫວຽດນາມ ມີຄວາມສາມາດຜະລິດບັນລຸໄດ້ມາດຕະຖານສູງຂອງເອີຣົບ. ດ້ວຍພາສີ 0%, ແຕ່ມີຄວາມໝາຍສໍາຄັນທີ່ສຸດແມ່ນຮັບຮອງຢ່າງເປັນທາງການກ່ຽວກັບຄຸນນະພາບ, ມາດຕະຖານເຂົ້າສານຂອງຫວຽດນາມ, ສິ່ງດັ່ງກ່າວເປັນພື້ນຖານ, ປະຖົມປັດໄຈເພື່ອສ້າງໂຄງປະກອບຂະແໜງເຂົ້າສານຄືນໃໝ່, ຍົກສູງຄຸນນະພາບສິນຄ້າ, ນັບທັງເລື່ອງຈັດລະບົບຊີວະພາບຄືນໃໝ່, ຮັບປະກັນໃຫ້ລະບົບຊີວະພາບພັດນະນາແບບຍືນຍົງ”.
ໂດຍ: ທະນາພອນ