ເຮັດໃຫ້ສາຍພົວພັນລະຫວ່າງ ຫວຽດນາມ-ລາວ ເລິກເຊິ່ງກວ່າອີກ

ທ່ານເອກອັກຄະລັດຖະທູດ ສົມພອນ ສີຈະເລີນ ໄດ້ສົ່ງຄໍາອວຍພອນປີໃໝ່ມາຍັງທ່ານເອກອັກຄະລັດຖະທູດ ຟ້າມແທັງບິ່ງ ພອມດ້ວຍພະນັກງານສະຖານທູດຫວຽດນາມ ປະຈໍາ ຈີນ, ອວຍພອນໃຫ້ ຫວຽດນາມ ສືບຕໍ່ມີບັນດາຜົນງານອັນໃຫຍ່ຫຼວງໃນພາລະກິດສ້າງສາ ແລະພັດທະນາປະເທດຊາດ, ຍົກສູງທີ່ຕັ້ງ ແລະອິດທິພົນຊື່ສຽງໃນເວທີສາກົນ.

ເນື່ອງໃນໂອກາດນີ້, ທ່ານ ສົມພອນ ສີຈະເລີນ ເອກອັກຄະລັດຖະທູດລາວ ປະຈຳ ຈີນ ສະແດງຄວາມຊົມເຊີຍຜົນສຳເລັດຂອງກອງປະຊຸມໃຫຍ່ຜູ້ແທນທົ່ວປະເທດຄັ້ງທີ  XIV ຂອງພັກກອມມູນິດຫວຽດນາມ. ພາບ: ສໍານັກຂ່າວສານຫວຽດນາມ

ທ່ານເອກອັກຄະລັດຖະທູດ ສົມພອນ ສີຈະເລີນ ຖືວ່າ ຜົນສຳເລັດຂອງກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XIV ຂອງພັກກອມມູນິດຫວຽດນາມ ກໍ່ແມ່ນຄວາມປິຕິຊົມຊື່ນ ແລະເປັນແຫຼ່ງກຳລັງໃຈອັນໃຫຍ່ຫຼວງຕໍ່ກັບພັກ ແລະປະຊາຊົນລາວ; ເນັ້ນໜັກວ່າ ບັນດາການກໍານົດທິດຍຸດທະສາດ ແລະລັດຖະນະໂຍບາຍອັນສຳຄັນຂອງກອງປະຊຸມ ຈະສ້າງກໍາລັງໜູນຢ່າງແຂງແຮງໃຫ້ການພັດທະນາຂອງຫວຽດນາມ ໃນໄລຍະຈະມາເຖິງ.

ຢືນຢັນວ່າ ຫວຽດນາມ ເປັນເພື່ອນມິດໃຫຍ່ ແລະເປັນສະຫາຍທີ່ສັດຊື່ບໍລິສຸດທີ່ໄດ້ໜູນຊ່ວຍລາວ ໃນການສ້າງສາ ແລະ ພັດທະນາປະເທດ, ທ່ານເອກອັກຄະລັດຖະທູດ ສົມພອນ ສີຈະເລີນ ເນັ້ນໜັກເຖິງສາຍພັວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະການຮ່ວມມືຮອບດ້ານ ຫວຽດນາມ - ລາວ ແມ່ນຊັບສົມບັດອັນລ້ຳຄ່າທີ່ຕ້ອງໄດ້ຮັບການຮັກສາ ແລະ ເພີ່ມພູນຄູນສ້າງ.

ຄະນະຜູ້ແທນສະຖານທູດລາວ ປະຈຳປັກກິ່ງ ພ້ອມດ້ວຍພະນັກງານສະຖານທູດຫວຽດນາມ ປະຈຳຈີນ ຖ່າຍຮູບເປັນທີ່ລະນຶກ. ພາບ: ສໍານັກຂ່າວສານຫວຽດນາມ

ສ່ວນທ່ານ ຟ້າມແທັງບິ່ງ ເອກອັກຄະລັດຖະທູດຫວຽດນາມ ປະຈຳ ຈີນ ໄດ້ສະແດງຄວາມຂອບອົກຂອບໃຈຢ່າງຈິງໃຈຕໍ່ອາລົມຈິດ ແລະຄໍາອວຍພອນອັນດີງາມຂອງທ່ານ ສົມພອນ ສີຈະເລີນ  ແລະພະນັກງານສະຖານທູດລາວ ປະຈໍາຈີນ;  ຕີລາຄາວ່າ ການຮັກສາການຢ້ຽມຢາມ ແລະ ອວຍພອນເຊິ່ງກັນ ແລະ ກັນລະຫວ່າງອົງການຕາງໜ້າການທູດຂອງສອງປະເທດຢູ່ປະເທດປະຈໍາຖິ່ນ ໄດ້ກາຍເປັນຈຸດຄວາມງາມທີ່ເປັນມູນເຊື້ອ, ປະກອບສ່ວນເຮັດໃຫ້ສາຍພົວພັນລະຫວ່າງ ຫວຽດນາມ - ລາວ ເລິກເຊິ່ງກວ່າອີກ.

ໂດຍ: ທູຈາງ