ກ່າວຄຳເຫັນທີ່ການພົບປະສອງຝ່າຍ, ສະຫາຍ ຫງວຽນແທັ່ງເຕິມ ຢັ້ງຢືນວ່າ ການປະຕິບັດງານແມ່ນໂອກາດເພື່ອໃຫ້ສອງຝ່າຍແລກປ່ຽນຢ່າງເລິກເຊິ່ງກວ່າກ່ຽວກັບວຽກງານຈັດຕັ້ງ, ກໍ່ສ້າງພັກ, ພິເສດແມ່ນການຊັບສ້ອນກົງຈັກການຈັດຕັ້ງ, ກະກຽມກອງປະຊຸມໃຫຍ່ອົງຄະນະພັກທຸກຂັ້ນ ມຸ່ງໄປເຖິງກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XIV ຂອງພັກກອມມູນິດຫວຽດນາມ. ສອງຝ່າຍກໍ່ແບ່ງປັນບົດຮຽນໃນການຄຸ້ມຄອງ, ຂະຫຍາຍສະມາຊິກພັກ ແລະສອດຄ່ອງກັບຄວາມຮຽກຮ້ອງຕ້ອງການໃໝ່.

leftcenterrightdel
ບັນຍາກາດທີ່ການພົບປະສອງຝ່າຍ. ພາບ: ສໍານັກຂ່າວສານຫວຽດນາມ

ສ່ວນ ສະຫາຍນາງ ບຸດສະດີ ທະນະເມືອງ ໄດ້ຕີລາຄາສູງຕໍ່ການປະສານສົມທົບລະຫວ່າງສອງຄະນະຈັດຕັ້ງສູນກາງພັກ ໃນໄລຍະຜ່ານມາ ຢ່າງມີປະສິດທິຜົນ, ພ້ອມທັງແຈ້ງໃຫ້ຊາບກ່ຽວກັບໝາກຜົນອັນພົ້ນເດັ່ນໃນວຽກງານກໍ່ສ້າງພັກຂອງພັກປະຊາຊົນປະຕິວັດລາວ, ໃນນັ້ນມີ ວຽກງານກະກຽມກອງປະຊຸມໃຫຍ່ອົງຄະນະພັກທຸກຂັ້ນ, ບູລະນະກົງຈັກການຈັດຕັ້ງໃຫ້ສົມບູນແບບ ແລະຍົກສູງຄຸນນະພາບຖັນແຖວພະນັກງານ, ສະມາຊິກພັກ.

ການພົບປະສອງຝ່າຍໄດ້ດຳເນີນໄປໃນບັນຍາກາດແຫ່ງຄວາມຈິງໃຈ, ມິດຕະພາບ, ເຕັມໄປດ້ວຍນໍ້າໃຈຖານສະຫາຍ, ອ້າຍນ້ອງ, ສະແດງໃຫ້ເຫັນຄວາມຕັດສິນໃຈຂອງສອງຄະນະໃນການສືບຕໍ່ເພີ່ມທະວີການຮ່ວມມື, ແລກປ່ຽນບົດຮຽນ, ປະກອບສ່ວນແທດຈິງເຂົ້າໃນການປັບປຸງສາຍພົວພັນແບບພິເສດ ຫວຽດນາມ-ລາວ.

ໂດຍ: ເຈິ່ນຮວ່ຽນ