ລາວ ປະດັບຫຼຽນໄຊອິດສະຫຼະ ໃຫ້ການນຳຂັ້ນສູງຫວຽດນາມ
ກປ.ອອນໄລ - ວັນທີ 29 ເມສາ, ຢູ່ນະຄອນໂຮ່ຈີມິນ, ພັກ, ລັດລາວ ໄດ້ຈັດພິທີປະດັບຫຼຽນໄຊຂອງ ສປປ ລາວ ໃຫ້ບັນດາສະຫາຍການນຳ ແລະອະດີດການນຳຂັ້ນສູງຫວຽດນາມ, ເນື່ອງໃນໂອກາດຄະນະຜູ້ແທນຂັ້ນສູງລາວ ມາຫວຽດນາມ ເຂົ້າຮ່ວມພິທີສະເຫຼີມສະຫຼອງ 50 ປີແຫ່ງວັນປົດປ່ອຍພາກໃຕ້, ທ້ອນໂຮມປະເທດຊາດ ເປັນເອກະພາບ (30-4-1975 / 30-4-2025). ທ່ານ ເລືອງເກື່ອງ ປະທານປະເທດຫວຽດນາມ ແລະທ່ານ ທອງລຸນ ສີສຸລິດ ເລຂາທິການໃຫຍ່, ປະທານປະເທດລາວ ເຂົ້າຮ່ວມພິທີ.
    |
 |
|
ທ່ານ ທອງລຸນ ສີສຸລິດ ເລຂາທິການໃຫຍ່, ປະທານປະເທດລາວ ປະດັບຫຼຽນໄຊອິດສະຫຼະ ຊັ້ນ I ໃຫ້ບັນດາສະຫາຍອະດີດຮອງປະທານປະເທດ ແຫ່ງ ສສ ຫວຽດນາມ. ພາບ: qdnd.vn |
ທີ່ພິທີ, ຕາງໜ້າໃຫ້ການນໍາພັກ, ລັດ ແຫ່ງ ສປປ ລາວ, ທ່ານ ທອງລຸນ ສີສຸລິດ ໄດ້ປະດັບຫຼຽນໄຊອິດສະຫຼະ ຊັ້ນ I ໃຫ້ ທ່ານນາງ ຫວໍທິແອ໊ງຊວນ ຮອງປະທານປະເທດຫວຽດນາມ ແລະບັນດາສະຫາຍອະດີດຮອງປະທານປະເທດ: ທ່ານນາງ ເຈືອງໝີຮວາ, ທ່ານນາງ ຫງວຽນທິຢວານ ແລະທ່ານນາງ ດັ້ງທິງອັກທິ້ງ.
ຫຼຽນໄຊອິດສະຫຼະ ຊັ້ນ I ໄດ້ມອບໃຫ້ເພື່ອສະແດງໃຫ້ເຫັນຄວາມຮັບຮູ້ຢ່າງເລິກເຊິ່ງຂອງພັກ ແລະລັດລາວ ຕໍ່ຄວາມມານະພະຍາຍາມປະກອບສ່ວນຂອງທ່ານນາງຮອງປະທານປະເທດ ຫວໍທິແອ໊ງຊວນ ແລະອະດີດຮອງປະທານປະເທດ: ທ່ານນາງ ຫງວຽນທິບີ່ງ, ເຈືອງໝີຮວາ, ຫງວຽນທິຢວານ ແລະດັ້ງທິງອັກທິ້ງ ໃນການປັບປຸງ ແລະເພີ່ມທະວີສາຍພົວພັນສາມັກຄີແບບພິເສດ “ທັງເປັນສະຫາຍ, ທັງເປັນອ້າຍນ້ອງ” ລະຫວ່າງສອງຊາດ ລາວ-ຫວຽດນາມ ຢ່າງບໍ່ຢຸດຢັ້ງ.
|
|
 |
|
ທ່ານ ເລືອງເກື່ອງ ປະທານປະເທດຫວຽດນາມ ແລະທ່ານ ທອງລຸນ ສີສຸລິດ ເລຂາທິການໃຫຍ່, ປະທານປະເທດລາວ ມອບຊໍ່ດອກໄມ້ໃຫ້ບັນດາສະຫາຍ. ພາບ: qdnd.vn |
ຕາງໜ້າໃຫ້ບັນດາສະຫາຍທີ່ໄດ້ຮັບຫຼຽນໄຊອັນສູງສົ່ງທີ່ພິທີ, ທ່ານນາງ ຫວໍທິແອ໊ງຊວນ ສະແດງຄວາມສະເທືອນໃຈທີ່ໄດ້ຮັບຫຼຽນໄຊອິດສະຫຼະ ຊັ້ນ I - ຫຼຽນໄຊອັນສູງສົ່ງຂອງພັກ ແລະລັດລາວ ມອບໃຫ້. ທ່ານນາງ ຫວໍທິແອ໊ງຊວນ ໄດ້ສະແດງຄວາມຂອບອົກຂອບໃຈຕໍ່ພັກ, ລັດ ແລະປະຊາຊົນຫວຽດນາມ ໃນການກໍ່ສ້າງ, ບຳລຸງສ້າງ, ສ້າງເງື່ອນໄຂເພື່ອໃຫ້ບັນດາສະຫາຍໄດ້ເຂົ້າຮ່ວມປະກອບສ່ວນເຂົ້າໃນພາລະກິດສ້າງສາ ແລະປົກປັກຮັກສາປະເທດຊາດຫວຽດນາມ ກໍ່ຄືປະກອບສ່ວນເຂົ້າໃນການກໍ່ສ້າງສາຍພົວພັນສາມັກຄີມິດຕະພາບແບບພິເສດ ຫວຽດນາມ-ລາວ.
ໂດຍ: ເຈິ່ນຮວ່ຽນ